1 Bakyabazinga 3:7 - Baibuli Ekibono kya Katonda 2014

⁷ Wo Musengwa Katonda wange, iwe buti onfiire nze omugheereza wo, mbe kyabazinga mu kifo kya lata wange Daudi, waire nga ndi mwana muto. Nzira kye ndidhi naire.

1 Bakyabazinga 3:7 ပူးပေါင်းရင်းမြစ်များ

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

1 Ebyomubyanda 22:5

Daudi yaakoba mule ati: “Eisinzizo lye baja okuzimbira Musengwa Katonda ligwaine okuba nga lya kitiisa inho era nga limanhikaine mu nsi yoonayoona. Aye Solomoni aja okulizimba akaali mwana muto, azira bumanhirivu naire. Kyenva ndi n'okutaagho eby'okulizimbisa.” Kale Daudi yaataagho eby'okuzimbisa kamaala inho ng'akaali kufa.

1 Ebyomubyanda 22:9

Aye olizaala omwana mulenzi yaaba muntu wa miraala, kuba ndimugha emiraala yaaloba kulumbibwa bazigu be ku ndhuyi dhoonadhoona. Olimutuuma eriina Solomoni, kuba mu bufuzi bwe ndigha ensi Isiraeli okuba emiraala n'okutebenkera.

1 Ebyomubyanda 29:1

Agho kyabazinga Daudi yaakoba abaali beesoloiza ati: “Mutabane wange Solomoni Katonda y'alonzeemu akaali mwana muto, ate nga omulimo oguli n'okukolebwa mukologho inho kuba kino ti kisaagaati kya bwakyabazinga bwa bantu buntu, aye isinzizo lya Musengwa Katonda.

Zabbuli 121:8

Musengwa Katonda aja kukukuumanga ng'ofuluma era akukuumenga ng'oingira, okuva buti n'okweyongerayo ebyanda n'ebyanda.

Ensambo 18:12

Okwekuluntaza n'okukulembera okuzikirira, aye okwewombeeka n'okusooka memale omuntu baamutaamu ekinhagansi.

Omulangirizi 10:16

Ensi eba ekagwireku, bw'eba n'omufuzi nga mwana muto, ate nga abakungu baayo bawuuna buwuune mu binhumo.

Yeremia 1:6

Nze naakoba nti: “Aa, Musengwa Katonda wange, bona eno, nze tiidhi kwogera kuba nkaali muto inho.”

Yeremia 1:7

Aye Musengwa Katonda yankoba ati: “Otakoba oti okaali muto inho. Aye oidha kuja eri abantu eyo yoonayoona ye nnaakutuma, obakobere byonabyona bye nnaakulagira okwogera.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Danieli 5:21

Era yaamubinga yaamutoola mu bantu, ebidhuubo bye byafuulibwa ng'eby'ensolo, yaatoolera okubanga mu nsiko ghalala n'endogoyi edh'omu nsiko, yaalyanga eisubi ng'oti nte, n'omusulo oguva ku igulu gwamukubanga yaabola. Byaba bityo okutuusa lwe yamanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Okubala 27:17

Omuntu aidha okubakulemberangamu era abakuumenga mu buli kye banaakolanga. Olwo abantu bo abo, iwe Musengwa Katonda, balobe kubanga ng'oti n'entaama edhiziraku mwayi.”

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Amateeka Agokubiri 31:2

yaabakoba ati: “Mpegaano mpeziiza emyaka kikumi n'abiri (120). Tikaaghanga kuba mukulembeze waimwe. Ate era bwona, Musengwa Katonda yankoba ati, ‘Toidha kusomoka mwiga guno Yorudani.’

1 Samueli 18:16

Aye abantu boonaboona mu Isiraeli ni mu Buyudaaya, baayenda inho Daudi, kuba yabakulemberanga bukalamu.