1 Bakyabazinga 3:28 - Baibuli Ekibono kya Katonda 2014

²⁸ Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

1 Bakyabazinga 3:28 ပူးပေါင်းရင်းမြစ်များ

1 Bakyabazinga 10:9

Musengwa Katonda wo asaakibwe, eyayoleka nga bw'akusiimye, n'akufuula kyabazinga wa Isiraeli. Musengwa Katonda oyo agonza inho Isiraeli, kyeyava n'akufuula kyabazinga, olamulenga mu mazima ni mu butuufu.”

1 Bakyabazinga 3:27

Agho kyabazinga yaakoba ati: “Mutaita mwana, mumughe omukazi asoose, oyo ni inhina w'omwana mwenemwene.”

1 Bakyabazinga 4:1

Kyabazinga Solomoni yali kyabazinga wa Isiraeli yoonayoona,

1 Ebyomubyanda 29:24

Abakungu boonaboona, n'abaisirukale, ni batabane ba kyabazinga Daudi abandi boonaboona, beeyama okugonderanga kyabazinga Solomoni.

Ezera 7:25

“Iwe Ezera, ng'okozesa amagezi ga Katonda wo ge yakugha, londa abafuzi n'abalamuzi abanaalamulanga abantu boonaboona abaidhi amateeka ga Katonda wo, abali mu kiketezo ekiri ere ng'osomoike omwiga Eufurate. Era oyegerese amateeka ago abo abatagaidhi.

Zabbuli 72:2

Afuge abantu bo mu butuufu, era agoloze abatuntuzibwa nga tasaliriza.

Zabbuli 72:4

Kyabazinga asale mu butuufu ensonga edh'abaavu; ayambe abali mu bwetaavu, atyankirire abo abaniinirira abaghafu.

Okuvaayo 14:31

Abaisiraeli bwe baabona amaani agataloodheka Musengwa Katonda ge yakozesa okughangula Abamisiri, baamutya inho baamwikiriza era baikiriza n'omugheereza we Musa.

Ensambo 16:10

Katonda n'agalagira kyabazinga by'ayogera, olwo mu nsala ye mwaloba kuba kisobu.

Ensambo 24:21

Mwana wange otyanga Musengwa Katonda ni kyabazinga, era otabadheemeranga.

Ensambo 25:2

Tugha Katonda ekitiisa olw'ebyo by'atugisa, aye twagha bakyabazinga ekitiisa olw'ebyo bye banoonereza ni bazuula.

Ensambo 8:15

Ninze agha bakyabazinga okufuga, era naagha abafuzi okutaagho amateeka amakalamu.

Omulangirizi 7:19

Omuntu omugezi, amagezi gamuleetera okuba ow'amaani agasinga ag'abafuzi eikumi abali mu kibuga.

Isaia 28:6

Aligha abalamuzi omwoyo ogw'okukolanga amazima, era yaagha abaisirukale amaani okukuumanga emiryango gy'ekibuga, okukiwonia okulumbwa abazigu.

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 5:11

Mu bwakyabazinga bwo mulimu omusaadha aliku omwoyo ogwa bakatonda abatukuvu. Mu biseera bya lata wo kyabazinga Nebukadinezzari, omusaadha oyo yeeyoleka okuba omuntu alengera eghala, ng'ali n'okutegeera, era ng'ali n'amagezi agali ng'oti n'aga bakatonda. Era kyabazinga Nebukadinezzari oyo lata wo, yaamufuula okuba omukulu ow'abalaguzi, abasamize, ab'amaghembe, n'abo abeetegereza ebiri ku igulu.

1 Ab'e Korintho 1:24

Aye eri Abayudaaya n'abamaghanga agandi abaayetebwa Katonda, ekibono kino ni Kurisito, amaani era amagezi ga Katonda.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

Ab'e Kolosai 2:2

Kino nkikola bairemu amaani mu myoyo gyaibwe era babe mu kugonzania, bamanhire irala era bategeerere irala ekyama kya Katonda. Ekyama ekyo nga ni Kurisito.

Ab'e Kolosai 2:3

Oyo n'atumanhisa amagezi goonagoona n'okumanha kwonakwona ebiri ng'oti n'eky'obukombe ekyagisibwa.

Yoshua 4:14

Ku lunaku olwo, Musengwa Katonda yayoleka Abaisiraeli boonaboona nga Yoshua bweyali n'ekitiisa ekya ghaigulu, era okuva n'olwo baamutya enaku dhoonadhoona edh'obulamu bwe, ng'oti ni bwe baatyanga Musa.

1 Samueli 12:18

Kale Samueli yeeghemba Musengwa Katonda. Musengwa Katonda yaaleetagho okutyabuka kw'olukuba era yaagwisa amaadhi ku lunaku olwo. Abantu boonaboona baatya inho Musengwa Katonda ni Samueli.