1 Bakyabazinga 3:2 - Baibuli Ekibono kya Katonda 2014

² Okutuusa mu kiseera ekyo, abantu baali nga bakaagheerayo emisengo mu bifo ebigulumivu eby'okusinzizaamu, kuba ghaali nga ghakaali kuzimbwagho ndhu ya kusinzizangamu Musengwa Katonda.

1 Bakyabazinga 3:2 ပူးပေါင်းရင်းမြစ်များ

1 Bakyabazinga 14:23

Baamusungughaza kuba boona beezimbira ku buli lusozi olugulumivu, na buli ghansi mu kinsense kya muti muzibirivu, baataagho ebifo ebigulumivu eby'okusinzizaamu, n'empango, n'ebifaananie eby'omusambwa omukazi, Ashera.

1 Bakyabazinga 15:14

Aye waire Asa oyo tiyatoolagho bifo bigulumivu bye baasinzizangamu emisambwa, obulamu bwe bwonabwona yali mwesigwa ye Musengwa Katonda.

1 Bakyabazinga 22:43

Yehoshafati oyo yali wa mpisa nkalamu era nga tadhivaaku, ng'oti n'ise bweyali. Yaakolanga ebirungi Musengwa Katonda by'asiima, aye ebifo ebigulumivu eby'okusinzizaamu tiyabitoolagho. Abantu baasigala nga bakaagheerayo eyo emisengo era nga bakaaniokeza eyo obubbaani mu bifo ebyo.

1 Bakyabazinga 22:44

Era Yehoshafati oyo yaakola endagaano ey'emiraala ni kyabazinga wa Isiraeli.

1 Bakyabazinga 5:3

“Oidhi nga lata wange, olw'entalo dhe yali n'okulwana n'ensi dh'abazigu edhaali dhimwezungulwire ku ndhuyi dhoonadhoona, tiyaghanga kuzimbira Musengwa Katonda we isinzizo, okutuusa Musengwa Katonda oyo bwe yamusobozesa okughangula abazigu be boonaboona.

2 Bakyabazinga 12:4

Agho Yoashi yaakoba bakabona ati: “Empiiya dhoonadhoona edhiva mu bintu ebigheebwayo ye Musengwa Katonda edhireetebwa mu isinzizo, edho nga n'empiiya kiisi muntu dh'agerekerwa okugha, era oteeku n'edho omuntu dh'aba nga yeeyamye mwene okugha,

2 Ebyomubyanda 15:17

Aye waire Asa oyo tiyamaliragho irala mu Isiraeli bifo bigulumivu bye baasinzizangamu, obulamu bwe bwonabwona yali mwesigwa ye Musengwa Katonda.

2 Ebyomubyanda 33:17

Aye waire ng'abantu baasigala nga bakaagheerayo emisengo mu bifo ebigulumivu eby'okusinzizaamu, emisengo egyo baagighangayo eri Musengwa Katonda waibwe yenka.

Zabbuli 78:58

Basonsoonia Katonda baamusungughaza olw'ebifo byaibwe ebigulumivu bye baasinzizangamu era baamuleetera okuba n'enkikidi olw'ebifaananie ebibaadhe bye baasinzanga.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Amateeka Agokubiri 12:13

Mwekuumenga mulobe kugheerangayo ebigheebwayo byaimwe ebyokebwa mu buli kifo kye muba muboine.

1 Samueli 9:12

Abaghala baabairamu bati: “Aliyo, era wuuyo abakulembeiremu. Mwangugheku mumwagaane, yaakatuuka mu kibuga, kuba olwaleero abantu baja kughaayo omusengo mu kifo ekigulumivu eky'okusinzizaamu.