1 Bakyabazinga 3:13 - Baibuli Ekibono kya Katonda 2014

¹³ Era nkughaire n'ebindi by'otasabye: obukombe n'ekitiibwa mu bulamu bwo bwonabwona, ghabule kyabazinga owundi yeenayeena ayagayaga n'iwe.

1 Bakyabazinga 3:13 ပူးပေါင်းရင်းမြစ်များ

1 Bakyabazinga 10:14

Zaabu Solomoni ye yafunanga omwaka, yaghezanga kilo ng'oti emitwalo ebiri n'enkumi isatu (23,000),

1 Ebyomubyanda 29:25

Musengwa Katonda yaaleetera Isiraeli yoonayoona okugha Solomoni ekitiibwa eky'obwakyabazinga, ekitabangaghooku ku kyabazinga wundi yeenayeena eyaali afuzeeku mu Isiraeli.

2 Ebyomubyanda 9:22

Kale atyo kyabazinga Solomoni yaasingira ghala mu bukombe n'amagezi bakyabazinga boonaboona ku nsi.

Nehemia 13:26

Naabakoba nti: “Timwidhi nga Solomoni kyabazinga wa Isiraeli, abakazi ng'oti n'abo n'abaamuleetera okwonoona? Mu maghanga goonagoona tiyabaayooku kyabazinga eyali ng'oti ni ye, era Katonda we yamwenda inho yaamufuula kyabazinga wa Isiraeli yoonayoona. Aye ate abakazi abamaghanga agandi baamuleetera yeena okwonoona.

Ensambo 3:16

Amagezi galeetera omuntu okughangaala, gaamuleetera n'okuba omukombe era ow'ekitiisa.

Ensambo 4:9

Galikusiba ekitambaala ekidholige ku mutwe gwo, era gaakuvaaza engule eboneka obulungi einho.”

Omulangirizi 6:2

Katonda aja yaagha omuntu okuba omukombe, yaaba n'ebintu kamaala, era yaaba n'ekitiibwa, nga ghazira kintu ky'atali nakyo. Aye ate Katonda oyo yaaloba okumuganha okweyagalira mu bintu ebyo, kabiri omuntu atamanhiibwa naire yaabyeyagaliramu. Ekyo kiziramu muganhulo, era kiruma inho.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Ab'e Roma 8:32

Oyo ataasaasira na mwana we mwene, aye n'amughaayo ku lwaife twenatwena, aliroba atya okutugheera aghalala n'Omwana we oyo ebintu byonabyona?

Ab'Efeso 3:20

Katonda oyo asobola okukola ebisinga n'ebyo bye tusaba, oba ebyo bye tutegeera, olw'amaani ge agakolera mu ife,