1 Bakyabazinga 22:6 - Baibuli Ekibono kya Katonda 2014

⁶ Agho kyabazinga wa Isiraeli yaasoloza abalanzi ng'ebikumi bina, yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

1 Bakyabazinga 22:6 ပူးပေါင်းရင်းမြစ်များ

1 Bakyabazinga 12:9

Yaababuuza ati: “Magezi ki ge mumpa? Twiremu tutya abantu bano abankobye bati, ‘Kendeeza ku buzito lata wo bwe yatutaaku?’ ”

1 Bakyabazinga 18:19

Mpegaano ni, soloza Abaisiraeli boonaboona, baidhe twagaanane ku lusozi Karumeli, ghalala n'abalanzi ba Baali ebikumi ebina n'ataanu (450) era n'abalanzi ebikumi ebina (400) ab'omusambwa omukazi Ashera, abalya ku kiiwulo kya Yezebeli.”

1 Bakyabazinga 18:20

Kale Ahabu yaayetesa Abaisiraeli boonaboona, beesololeza ku lusozi Karumeli ghalala n'abalanzi boonaboona.

1 Bakyabazinga 22:10

Kyabazinga wa Isiraeli ni kyabazinga Yehoshafati owa Buyudaaya, baali bavaire ebivaalo byaibwe eby'obwakyabazinga, nga batyaime, buli muntu ku kityamo kye eky'obwakyabazinga, agho gha kifo aghakubirwa engaano, okumpi n'omulyango ogwingira Samaria. Abalanzi boonaboona baali bali kulanga agho mu maiso gaibwe.

1 Bakyabazinga 22:15

Mikaia bwe yatuuka mu maiso ga kyabazinga Ahabu, kyabazinga oyo yaamubuuza ati: “Nje numbe Ramothi eky'e Gileadi, oba ntakirumba?” Mikaia yaamwiramu ati: “Ja olumbe Ramothi eky'e Gileadi, oidha kukighangula. Musengwa Katonda aidha kukikuta mu ngalo.”

1 Bakyabazinga 22:5

Aye era Yehoshafati yaakoba kyabazinga wa Isiraeli ati: “Mala kwebuuza ku Musengwa Katonda owulire ky'akoba.”

2 Bakyabazinga 10:19

Kale ni mundhetere abalanzi aba Baali boonaboona, n'abamusinza boonaboona, ni bakabona be boonaboona. Ghatabulagho waire omulala ati, kuba ndi n'omusengo omukologho gwe nja okughaayo eri Baali. Kiisi anaabulagho ku abo aidha kwitibwa.” Aye Yehu yali ali kusala bwa magezi aghange okuzikiriza boonaboona abaali basinza Baali.

2 Bakyabazinga 3:13

Elisha yaakoba kyabazinga wa Isiraeli ati: “Nze ndi na nkolagana ki n'iwe? Ja y'abalanzi ba lata wo ni y'abalanzi ba inhoko.” Aye kyabazinga wa Isiraeli yairamu ati: “Busa, Musengwa Katonda n'atwese ife bakyabazinga abasatu okututa mu ngalo dha Moabu.”

2 Ebyomubyanda 18:14

Mikaia bwe yatuuka mu maiso ga kyabazinga Ahabu, kyabazinga Ahabu oyo yaamubuuza ati: “Nje numbe Ramothi eky'e Gileadi, oba ntakirumba?” Mikaia yaamwiramu ati: “Ja olumbe Ramothi eky'e Gileadi, oidha kukighangula. Musengwa Katonda aidha kukikuta mu ngalo.”

Isaia 36:10

Mulowooza muti nalumba ekifo kino okukizikiriza nga Musengwa Katonda tali ghalala ninze? Musengwa Katonda mwene n'eyankoba ati, ‘Lumba ensi eyo ogizikirize.’ ”

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Ezekieli 13:22

“Muja mwabuzaabuza abantu bange abalungi mwabamalamu amaani, nze be mba tyenze batuukibweku kulumizibwa kwonakwona. Ate mwaghaga abakozi b'ebibi balobe kukyuka kuva mu bibi byaibwe, kuwonia bulamu bwaibwe.

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

2 Timotheo 4:3

Kuba ekiseera kiri kwidha abantu balekere okuwulira okwegeresa okw'amazima, aye olw'okwenda einho okuwulira ababeegeresa ebibanhoonha, balyagala abeegeresa aba buli nsambo.

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.