1 Bakyabazinga 22:53 - Baibuli Ekibono kya Katonda 2014

⁵³ Ahazia oyo yaagheerezanga omusambwa Baali era yaagusinzanga. Olwo yaasungughaza Musengwa Katonda, Katonda wa Isiraeli, mu nsambo n'endala nga lata we bwe yakola.

1 Bakyabazinga 22:53 ပူးပေါင်းရင်းမြစ်များ

1 Bakyabazinga 14:16

Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

1 Bakyabazinga 21:29

“Oboine Ahabu bwe yeewooyiiza mu maiso gange? Kale nga bwe yeewooyiiza mu maiso gange atyo, akabi tija kukaleeta mu biseera bye ng'akaali mulamu, aye ndikaleeta ku b'endhu ye mu biseera bya mutabane we.”

2 Bakyabazinga 1:2

Agho kyabazinga Ahazia owa Isiraeli, yaaghanuka ku lubalaza olwa ghaigulu ku ndhu ye, mu kisaagaati kye mu Samaria, yagwa ghansi yeerumiriza inho. Kale yaatuma abakwenda ng'abakoba ati: “Muje mwebuuze ku musambwa Baalizebubu ogw'e Ekuroni, mmanhe oba nga nnaawona.”

2 Bakyabazinga 3:2

Yaakola ebibi eri Musengwa Katonda, aye tibyatuuka ku bya lata we na bya inhina kuba yamenhagho empango y'omusambwa Baali, lata we ye yakola.

2 Bakyabazinga 8:18

Yafumbirwa mughala wa Ahabu, era yaakola ng'ab'endhu ya Ahabu oyo bwe baakola, yaajiira ku mpisa embi edha bakyabazinga ba Isiraeli, yaakola ebibi ye Musengwa Katonda.

2 Ebyomubyanda 20:35

Ebyo nga biwoire, kyabazinga Yehoshafati oyo owa Buyudaaya, yeeyimba ni kyabazinga Ahazia owa Isiraeli eyakola ebibi kamaala.

Zabbuli 106:29

Olw'ebikolwa byaibwe ebyo baaleetera Musengwa Katonda okusungughala, yaabaleetamu endwaire embi einho eyabamulungula.

Isaia 65:3

Bansoononkereza ekiseera kyonakyona nga bagheera emisengo mu nimiro dhe baasengamu emisambwa, era nga baniokeza obubbaani mu bifo ebigulumivu eby'okusinzizaamu.

Ezekieli 8:3

Agho yaagolola ekyaboneka okuba ng'oti n'omukono gwe, yaavuunhia enviiri edh'oku mutwe gwange, yambeedera ku nviiri edho naalengeedhera okwo. Era nga nkaali mu kubonekerwa kwa Katonda okwo, omwoyo gwa Katonda gwambeedera mu mpewo gwantwala e Yerusalemu. Gwantuusa ku mulyango ogwingira mu luya olw'eisinzizo olw'omunda olwali ku luuyi olw'omukono omugooda olw'e buvandhuba. Mu luya olwo n'omwali ekifaananie abantu kye baasinzanga ni basungughaza Katonda einho, ni bamuleetera okuba n'enkikidi.