1 Bakyabazinga 22:48 - Baibuli Ekibono kya Katonda 2014

⁴⁸ Yehoshafati yakola amaato amakologho ag'oku nhandha enene, nga ga kujanga mu Ofiri okunonayo zaabu. Aye gaaloba kuja, kuba gaamenhekera mu Ezionigeberi.

1 Bakyabazinga 22:48 ပူးပေါင်းရင်းမြစ်များ

Amainhama 27:37

Isaaka yairamu ati: “Mmufiire musengwa wo, era mmughaire baganda be boonaboona babenga bagheereza be, era naamugha engaano n'omwenge ogw'emizabbibu. Kale kiki kye naakukolera iwe, mwana wange.”

2 Samueli 8:14

Agho yaata enkambi edh'abalwani mu Edomu mwonamwona, Abaedomu boonaboona baafuuka bagheereza be. Musengwa Katonda yaaghanga Daudi obughanguzi yoonayoona ye yajanga.

1 Bakyabazinga 10:22

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli lumaliira lwa myaka esatu, olugololiro olw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

1 Bakyabazinga 22:49

Agho kyabazinga Ahazia mutabane wa Ahabu yaakoba Yehoshafati ati: “Abagheereza bange ka bajiire ghalala n'ababo mu maato.” Aye Yehoshafati yaaloba.

1 Bakyabazinga 9:26

Kyabazinga Solomoni yaazimba olugololiro olw'amaato mu Ezionigeberi ekiriiraine Elothi, ku mbali kw'Enhandha Emyufu, mu nsi Edomu.

1 Bakyabazinga 9:28

Baaja mu nsi Ofiri, baatoolayo zaabu agheza kilo ng'oti enkumi ina (4,000), baamuleetera kyabazinga Solomoni.

2 Bakyabazinga 3:9

Agho kyabazinga wa Isiraeli, n'owa wa Buyudaaya, n'owa Edomu baajiira ghalala. Bwe baamala okutambula olugendo olw'enaku omusanvu nga lwa kwezungulula, baaba nga tibakaali na maadhi ga kugha igye waire ensolo dhe baali nadho.

2 Bakyabazinga 8:20

Mu biseera bya Yehoramu oyo, Abaedomu baadheemera Buyudaaya, beeteeragho obwakyabazinga obwaibwe.

2 Ebyomubyanda 20:21

Bwe yamala okwebuuzaaku ku bantu, yaataagho ab'okwembera Musengwa Katonda okumusaaka, nga bavaire ebivaalo eby'emikolo emitukuvu. Abo baakulemberamu eigye, baaja nga bemba bati: “Musaake Musengwa Katonda, kuba okugonza kwe tikukoma, kubaagho byanda na byanda.”

2 Ebyomubyanda 25:7

Aye omuntu wa Katonda yaidha yaamukoba ati: “Isebantu kyabazinga, otageza kuja na bantu ba igye lya Isiraeli, kuba Musengwa Katonda tali ghalala na bantu abo Abaefuraimu.

2 Ebyomubyanda 9:21

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli ku nkomerero ya myaka esatu, olugololiro lw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

Zabbuli 45:9

Abandi ku bakazi ab'ebitiisa abali mu luya lwo, baana ba bakyabazinga, ku luuyi lw'omukono gwo omusaadha n'aghali inhebantu, ng'avaire ebya zaabu ole mwene ava mu Ofiri.

Zabbuli 48:7

Era baaba ng'oti n'amaato ag'e Tarushishi, agamenhebwamenhebwa kiwunga ow'amaani ava e buvandhuba.

Isaia 2:16

Alisaaniagho amaato goonagoona ag'e Tarushishi, yaasaaniagho n'ebintu byonabyona ebyakolebwa ebisanhusa okubona.

Isaia 60:9

Ago n'amaato agava mu nsi edh'eghala, nga gakulembeirwamu amaato ag'e Tarushishi, agali kuleeta abantu ba Musengwa Katonda okuva eyo eghala. Abantu abo baleese feeza waibwe ni zaabu waibwe, okugha ekitiisa Musengwa Katonda Omutukuvu wa Isiraeli, kuba ataire ekinhagansi mu bantu be.

Yona 1:3

Aye Yona yaalumuka okuva aghali Musengwa Katonda aje e Tarushishi. Agho yaaja e Yoppa, ye yayagaana eryato eryali liri kutegekebwa okuja e Tarushishi. Yaasasula empiiya edh'olugendo oluja e Tarushishi, yaaniina mu lyato aje nabo okutuuka ye baali bali kuja, alumuke okuva aghali Musengwa Katonda.