1 Bakyabazinga 22:27 - Baibuli Ekibono kya Katonda 2014

²⁷ mubakobe muti, ‘Kyabazinga alagiire ati omusaadha oyo mumute mu ikomera, era mumughenga emere n'amaadhi nga mumupimiraku bupimire, okutuusa nga ndhize bukalamu.’ ”

1 Bakyabazinga 22:27 ပူးပေါင်းရင်းမြစ်များ

1 Bakyabazinga 13:4

Agho kyabazinga Yeroboamu bwe yawulira ebyo omulanzi bye yayogera ng'avumirira alutaari mu Betheli, yaagalula omukono ghe yali gh'alutaari, yaamusonkaku ng'akoba ati: “Mumugeme!” Amangu ago omukono ogwo gwakadambala nga taghanga kugwiza.

1 Bakyabazinga 22:26

Agho kyabazinga Ahabu yaalagira ati: “Mugeme Mikaia mumutwale eri Amoni omukulu w'ekibuga, n'eri omulangira Yoashi mutabane wa kyabazinga,

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

Zabbuli 102:9

Nsiiba mu ivu era n'eryanfuukira emere, ate mu buli kye nhwa mwetabulamu amaziga ge ndira.

Zabbuli 127:2

Kuba kudaagira bwereere ole okuwuunanga enkyo, n'afaabiikana okufuna eky'okulya nga mweraliikirivu, era n'airamu okutenduka ng'obwire bujiire, kuba Musengwa Katonda alabirira abo b'agonza nga bali mu ndoolo.

Zabbuli 80:5

Mu kifo ky'emere otuleetera nnaku, mu kifo ky'amaadhi otugha kikopo kiidhuvu eky'amaziga.

Isaia 30:20

Waire Musengwa Katonda alibaleka mwabona ebizibu n'okudaazibwadaazibwa, aye era taliiramu kubeekwekaku. Mwene n'aliba Omwegeresa waimwe era nga mumubona bukalamu.

Yeremia 20:2

yaalagira bangeme bankube, era bamale bansibire mu nkoligo. Enkoligo eyo yali kumpi n'omulyango ogw'eitale ogw'eisinzizo ogwetebwa Omulyango gwa Benjamini.

Yeremia 29:26

“‘Musengwa Katonda yakufuula kabona mu kifo kya Yehoiada, buti niiwe akulira eisinzizo. Mulimo gwo okubona nga buli muntu eyeeralusa ni yeefuula okuba omulanzi, bamusiba ku ndhegere era baamuta ekikoligo mu nkoto eky'ekyuma ekigumu einho.

Yeremia 36:23

Agho Yehudi bwe yamalanga okusoma ebitundu ebibiri oba ebina ku nzingo y'ekitabo eyo, nga kyabazinga abisalaku n'akambe akatono, ng'abisuula mu muliro. Yaakola atyo okutuusa enzingo y'ekitabo yoonayoona bweyawaagho okuya.

Yeremia 37:15

Abakungu bankambughalira, baalagira bankube, era bansibira mu ndhu ya Yonathani omughandiisi, kuba endhu eyo baali bagifiiremu ikomera.

Yeremia 38:6

Kale bangema bantwala, bandhisa n'emigugha mu nsulo eyali mu luya olw'ekisaagaati kya kyabazinga, nga mwene yo n'omulangira Malakia. Ensulo eyo tiyaliimu maadhi, aye yalimu bwa bitosi. Era naadimira mu bitosi omwo.

Luka 3:20

yaayongeraku ni kino kyona: yaigalira Yoanne mu ikomera.

Ebikolwa by'Abatume 26:10

Era ekyo naakikola mu Yerusalemu. Naasiba abaikiriza kamaala mu ikomera, olw'obukumu obwampeebwa Bakabona Abakulu, era naasembanga abaikiriza abo okwitibwa.

Ebikolwa by'Abatume 5:18

baagema Abatume baabata mu ikomera ery'abantu boonaboona.

Ab'Efeso 3:1

Ekyo kindeetera nze Paulo, omusibe olwa Kurisito Yesu ku lwaimwe abamaghanga agandi, okubasabira eri Katonda.

Amateeka Agokubiri 16:3

Ensolo eyo mutagiriirangaku migaati gizimbulukusiibwa. Mwidha kumalanga enaku musanvu nga muli kulya emigaati egitazimbulukusiibwa, nga bwe mwakola nga muva mu bwiru e Misiri, ye mwava embirombiro. Egyo n'emigaati egy'okunakughala. Mwidhanga kugirya, mughange okwidhukiranga mu bulamu bwaimwe bwonabwona olunaku lwe mwaviiraku e Misiri.

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.