1 Bakyabazinga 22:22 - Baibuli Ekibono kya Katonda 2014

²² “Musengwa Katonda yaagubuuza ati, ‘Mu nsambo ki?’ “Omwoyo gwamwiramu guti, ‘Ndidha kuja ndhogeze abalanzi be boonaboona eby'obuguya.’ “Musengwa Katonda yaakoba ati, ‘Oidha kusobola okumusendasenda. Kale ja okole otyo.’ ”

1 Bakyabazinga 22:22 ပူးပေါင်းရင်းမြစ်များ

1 Bakyabazinga 13:18

Agho omulanzi omukaire ow'e Betheli yaamukoba ati: “Zeena ndi mulanzi ng'oti niiwe. Musengwa Katonda yalagiire malaika yankoba ati, ‘Ja omwize, aidhe n'iwe mu ndhu yo, alye ku mere era anhwe ni ku maadhi.’ ” Aye nga yali ali kumulimba.

1 Bakyabazinga 22:20

Musengwa Katonda yaabuuza ati, ‘Naani anaasendasenda Ahabu okuja e Ramothi eky'e Gileadi, bamwite?’ Ono yaakoba kino, ate ole yaakoba kire.

1 Bakyabazinga 22:21

Agho ghaidhagho omwoyo gwayemerera mu maiso ga Musengwa Katonda, gwakoba guti, ‘Nze ndidha kumusendasenda.’

2 Bakyabazinga 3:13

Elisha yaakoba kyabazinga wa Isiraeli ati: “Nze ndi na nkolagana ki n'iwe? Ja y'abalanzi ba lata wo ni y'abalanzi ba inhoko.” Aye kyabazinga wa Isiraeli yairamu ati: “Busa, Musengwa Katonda n'atwese ife bakyabazinga abasatu okututa mu ngalo dha Moabu.”

Yobu 1:12

Musengwa Katonda yaakoba Sitaani ati: “Kale, byonabyona by'ali nabyo biri mu buyinza bwo. Aye mwene otamukolaku kabi.” Agho Sitaani yaava mu maiso ga Musengwa Katonda.

Yobu 12:16

Katonda wa maani era mughanguzi, ole ye baguya n'ole aguya, bombi bali mu buyinza bwe.

Zabbuli 109:17

Yayendanga inho okukolimira abantu abandi, yeena ka bamukolimire. Era nga tayendeza muntu wundi nkabi, yeena ka ghabule amwendeza enkabi.

Isaia 19:14

Musengwa Katonda abaleeteire okugha abantu amagezi agabawubisawubisa, ekyo kyaleetera ab'omu Misiri okudaaliima mu byonabyona bye bakola, baaba ng'oti n'omutamiivu bw'atagalira mu biseseme bye mwene by'aseseime.

Ezekieli 14:9

“Omulanzi bw'alimbibwa n'abaaku ni by'ayogera eby'obulimba, nze Musengwa Katonda mwene ninze mba mmulimbye, era ndigolola omukono gwange naamubonereza naamutoolayo mu bantu bange Abaisiraeli.

Zekaria 13:2

Nditoola mu nsi Isiraeli ebisinzibwa ebitali Katonda, ghalobe kubaagho muntu abiidhukira waire okwidhukira amaina gaabyo. Nditoolagho n'abo boonaboona abeeyeta abalanzi, era naatoola ni mu bantu omwoyo ogwenda okusinza ebitali Katonda.

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

1 Timotheo 4:1

Mwoyo akoba busimbalaala ati mu biseera ebija okwiririra abantu abandi baliva ku ndhikiriza ey'Ekikurisito, baajiira ku by'emizimu egiguya n'ebyo emizimu emibi bye gyegeresa.

1 Yoanne 4:6

Ife tuli ba Katonda, aidhi Katonda atuwulirisa era atali wa Katonda tatuwulirisa. Ekyo kye tumanhiraku Mwoyo ow'amazima ni mwoyo omuguya.

Okwolekebwa 13:14

Kyaguya abantu ab'oku nsi n'ebyewuunhio bye kyaikirizibwa okukola mu maiso ag'ekisolo ekyasooka. Kyabalagira okukola ekifaananie eky'ekisolo ekyo ekyateebwaku eibwa n'empiima aye ni kimala kirama.

Okwolekebwa 17:17

kuba Katonda yabaleetera mu myoyo gyaibwe, okukola kye yategeka nga baisa kirala, baagha ekisolo obukumu bwaibwe n'okufuga kwaibwe, okutuusa ebibono bya Katonda lwe birituukirira.

Okwolekebwa 20:10

N'omukemi eyabaguya alisuulibwa mu nhandha ey'omuliro n'obunhota bwa salufa mwe balidaazibwadaazibwa omusana n'obwire, ebyanda n'ebyanda. Enhandha eyo n'eyasuulibwamu ekisolo n'omulanzi omuguya.

Okwolekebwa 20:3

yaagusuula mu lwina olwo yaigalagho. Yaataaku n'ekuufulu gulobe kwiramu kuguya maghanga, okutuusa emyaka olukumi (1,000) lwe giriwaaku. Egyo bwe giriwaaku, gwa kusibulwa okumala akaseera katono.

Okwolekebwa 20:7

Emyaka egyo olukumi (1,000) nga gimaze okuwaaku Sitaani alisibulwa mu ikomera lye,

Abalamuzi 9:23

Agho Katonda yaakyaghagania Abimeleki n'abantu b'omu Shekemu. Abantu ab'omu Shekemu baaghemukira Abimeleki nga tibakaali beesigwa y'ali.

1 Samueli 16:14

Agho omwoyo gwa Musengwa Katonda gwava ku Saulo. Era Musengwa Katonda oyo yaasindika omuzimu omubi gwadaazadaaza Saulo ebitaloodheka.

1 Samueli 18:10

Ku lunaku olwairirira, omuzimu omubi Katonda gwe yasindika, gwaidha ku Saulo yaatawukira mu ndhu ye. Daudi yali ali kumukubira endingidi nga bwe yakolanga buli lunaku. Saulo yali agemye eifumo.

1 Samueli 19:9

Lwali lulala, Saulo bweyali atyaime mu ndhu ng'agemye eifumo lye, era nga Daudi ali kumukubira endingidi, omuzimu omubi Musengwa Katonda gwe yasindika gwamwidhaku.