1 Bakyabazinga 22:19 - Baibuli Ekibono kya Katonda 2014

¹⁹ Mikaia yeeyongera okukoba ati: “Kale ni wulira Musengwa Katonda by'akoba: Mboine Musengwa Katonda oyo ng'atyaime ku kityamo kye eky'obwakyabazinga, ng'eigye lyonalyona ery'omu igulu lyemereire ku luuyi lwe olw'omukono omusaadha ni ku lw'omugooda.

1 Bakyabazinga 22:19 ပူးပေါင်းရင်းမြစ်များ

1 Bakyabazinga 22:20

Musengwa Katonda yaabuuza ati, ‘Naani anaasendasenda Ahabu okuja e Ramothi eky'e Gileadi, bamwite?’ Ono yaakoba kino, ate ole yaakoba kire.

Yobu 1:6

Olunaku lwali lulala, abakwenda ab'omu igulu baidha okweyandhula mu maiso ga Musengwa Katonda. Ni Sitaani yeena yaidhiramu.

Yobu 2:1

Kabiri olunaku olundi, abakwenda ab'omu igulu baidha okweyandhula mu maiso ga Musengwa Katonda. Ni Sitaani yeena yaidhiramu okweyandhula mu maiso ga Musengwa Katonda.

Zabbuli 81:9

Mutasinzanga katonda wundi okutoolaku nze Katonda zenka; mutakubiranga makiryaivu misambwa egisinzibwa abamaghanga agandi.

Okuvaayo 24:10

baabona Katonda wa Isiraeli. Ghansi gh'ebigere bye nga ghali ng'oti ni ghe baayaliira amabaale ag'omughendo ageetebwa saffiro, aga langi ya bbululu omutangaavu obukalamu ng'eigulu.

Okuvaayo 24:9

Agho Musa, ni Aaroni, ni Nadabu, ni Abihu, ghalala n'abakulu ab'ebikunsu mu Isiraeli nsanvu, baaniina olusozi

Isaia 1:10

Muwulirise Musengwa Katonda by'akoba, imwe abakulembeze ba Yerusalemu abali ng'oti n'ab'e Sodoma; mutege kutu imwe abantu abali ng'oti n'ab'e Gomorra, mwetegereze Katonda waife by'abeegeresa.

Isaia 28:14

Kale muwulire imwe abanhoomi abafuga abantu bano mu Yerusalemu.

Yeremia 2:4

Muwulire obukwenda obuva ye Musengwa Katonda, imwe baidhukulu ba Yakobo, imwe Abaisiraeli mwenamwena.

Yeremia 29:20

Kale ni, imwe mwenamwena be nasindika mu bunhage e Babilonia muwulire nze Musengwa Katonda kye ndi kubakoba.’

Yeremia 42:15

imwe abaawonagho mu Buyudaaya abali n'endowooza eyo, muwulire Musengwa Katonda Afuga Amagye, Katonda wa Isiraeli, bw'akoba: Akoba ati, ‘Oba nga muli bamalirivu okuja e Misiri okuba eyo,

Ezekieli 13:2

“Iwe omuntu, langirira akabi akali kwidhira abalanzi b'omu Isiraeli, aboogera ebyo bye bayiiyiiza obuyiiye beene, ni babyeta obulanzi. Bakobe bawulirise nze Musengwa Katonda bye nkoba.”

Ezekieli 16:35

Kale ni, iwe Yerusalemu malaaya, wulira Musengwa Katonda by'akoba.

Amosi 7:16

Buti ni wulira Musengwa Katonda by'akoba, iwe ali kunkoba ndekere okulanga ebivumirira Isiraeli, n'okukoba ebitali bikalamu ku baidhukulu ba Isaaka.

Zekaria 1:10

Kale malaika oyo eyali ayemereire mu miti egy'ebisaka, yandhiramu ati: “Edho, Musengwa Katonda n'eyadhituma okuja okukebera ensi.”

Okubala 24:3

yaayogera ebibono eby'obulanzi bino, ati: “Bino n'ebibono bya Balaamu mutabane wa Beori, ebibono eby'omuntu abona obukalamu.

Matayo 18:10

“Mwegendereze, obutanhoomanga ni bw'aba omulala ku bato bano. Kuba ka mbakobere, mu igulu, bamalaika baibwe buliidho babona amaiso ga Lata wange ali mu igulu. [

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 1:7

Era bw'ayogera ku bamalaika akoba ati: “Katonda afuula bamalaika be empewo, abagheereza be yaabafuula enimi edh'omuliro.”

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

Okwolekebwa 5:11

Agho naabona era naawulira amamiro ga bamalaika, enkumi n'enkumi, obukaire n'obukaire, nga beezungulwire ekityamo eky'obwakyabazinga n'ebitonde ebiramu, n'abakulembeze.

1 Samueli 16:14

Agho omwoyo gwa Musengwa Katonda gwava ku Saulo. Era Musengwa Katonda oyo yaasindika omuzimu omubi gwadaazadaaza Saulo ebitaloodheka.