1 Bakyabazinga 22:14 - Baibuli Ekibono kya Katonda 2014

¹⁴ Aye Mikaia yaakoba ati: “Ndayira mu Musengwa Katonda omulamu nti, ndidha kwogera ekyo Musengwa Katonda oyo ky'anankoba okwogera.”

1 Bakyabazinga 22:14 ပူးပေါင်းရင်းမြစ်များ

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

1 Bakyabazinga 18:15

Eliya yaakoba ati: “Ndayira mu Musengwa Katonda omulamu Afuga Amagye, ye mpeereza, nti bwenebwene ndidha kweyolekera kyabazinga olwaleero.”

1 Bakyabazinga 22:13

Agho omukwenda eyaja okweta Mikaia, yaakoba Mikaia oyo ati: “Bona eno, abalanzi abandi boonaboona balanze bughanguzi eri kyabazinga. Weena ogwaine olange nga beene bwe bakoze, ng'oyogera bikalamu.”

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Yeremia 34:6

Kale nze naaja, naakobera kyabazinga Zedekia obukwenda obwo ng'ali mu Yerusalemu.

Yeremia 42:4

Nze naabairamu nti: “Bye mukobye mbiwuliire. Bwenebwene ndidha kusaba Musengwa Katonda waife, nga bwe munsabye. Era by'anankoba byonabyona ndidha kubibakobera, aghazira okulekayo waire ekirala kiti.”

Okubala 22:18

Aye Balaamu yairamu abakwenda ba Balaki ati: “Waire Balaki ampa endhu ye ng'eidhwire feeza ni zaabu, tighanga kuva ku kiragiro kya Musengwa Katonda wange okukikendeezaaku oba okukyongeraku.

Okubala 22:38

Balaamu yairamu Balaki ati: “Buti ndidhie. Aye obwo odhuuba oti ndi n'obukumu okuba ni kye ndhogera? Ekyo kyonka Katonda ky'andagira, kye nteekwa okwogera.”

Okubala 22:8

Balaamu yaabakoba ati: “Musule ghano obwire buno, ndidha kubairamu Musengwa ky'anankoba.” Kale abakulembeze abo abaava e Moabu baasigala agho ni Balaamu.

Okubala 24:13

‘Waire Balaki ampa endhu ye ng'eidhwire feeza ni zaabu, tighanga kuva ku kiragiro kya Musengwa Katonda, ni nkola kyange ku bwange, ka kibe ekirungi oba ekibi? Era nti, Musengwa ky'anankoba kyonka kye ndidha okwogera?’

2 Ab'e Korintho 2:17

Tituli oti n'abantu abandi kamaala abakozesa ekibono kya Katonda okufunamu kye banaalya, aye tuli bantu Katonda be yatuma, era twogera mazima mu maiso ge, ng'abagheereza mu Kurisito.

2 Ab'e Korintho 4:2

Ebikolwa ebikolebwa mu ngiso era ebiswaza twabyevuma, tituguyaguya oba okufuulaniafuulania ekibono kya Katonda, aye twogera mazima gonka, twaleka buli muntu ow'omwoyo omukalamu okutulowoozaaku nga bw'atubona mu maiso ga Katonda.

Ab'e Galatia 1:10

Mudhuuba muti ndi kunuyirira kusiimibwa bantu aye ti Katonda? Oba ndi kugezaaku kusangaaza bantu? Bwemba nga nkaagezaaku okusangaaza abantu mba tiri mugheereza wa Kurisito.