1 Bakyabazinga 21:26 - Baibuli Ekibono kya Katonda 2014

²⁶ Ahabu oyo yakolanga ebyenhinhalwa einho ng'asinza ebitali Katonda, ng'oti n'Abamori Musengwa Katonda be yabinga mu nsi eyo, ng'Abaisiraeli bali kumpi okutuukayo.

1 Bakyabazinga 21:26 ပူးပေါင်းရင်းမြစ်များ

Amainhama 15:16

Mu nsi eyo balibaayo ghaabitagho ense ina memale baira ghano, kuba tija kubingagho Bamori okutuusa nga beeyongeire okuba ababi einho okugwanira okubonerezebwa.”

1 Bakyabazinga 15:12

Yaatoolagho mu nsi eyo omuze ogw'abasaadha ogw'okukolanga obwamalaaya obw'omu isabo. Era yaatoolagho n'ebisinzibwa ebitali Katonda, badhaadha be bye baakola.

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

2 Bakyabazinga 16:3

Aye yaajiiranga ku mpisa embi edha bakyabazinga ba Isiraeli. Yaatuuka n'okwokya mutabane we ng'ekigheebwayo, ng'empisa eyenhinhalwa bweyali ey'abamaghanga agandi, Musengwa Katonda be yabinga mu nsi eyo nga Abaisiraeli bali kumpi okutuukayo.

2 Bakyabazinga 17:12

baasinzanga ebitali Katonda, Musengwa Katonda bye yabakoba ati: “Mutabisinzanga!”

2 Bakyabazinga 21:11

“Kyabazinga Manasse owa Buyudaaya akoze ebyenhinhalwa ebyo, era yaakola ebibi ebisinga ebyo byonabyona Abamori abaamusooka bye baakola. Mu nsambo eyo aleeteire n'ab'omu Buyudaaya okwonoona nga basinza ebitali Katonda bye yataagho.

2 Bakyabazinga 21:2

Manasse oyo yaakolanga ebibi eri Musengwa Katonda, ng'ajiira ku mpisa edheenhinhalwa edh'abamaghanga agandi Musengwa Katonda oyo be yabinga mu nsi eyo ng'Abaisiraeli bali kumpi okutuukayo.

2 Ebyomubyanda 15:8

Asa bwe yawulira eby'obulanzi Azaria mutabane wa Odedi bye yayogera, yaafuna amaani. Yaatoola mu kiketezo kya Yuda n'ekya Benjamini, ebintu ebyenhinhalwa ebitali Katonda ebyasinzibwanga. Yaatoolayo n'ebyo ebyali mu bibuga ebyo byonabyona bye yanhaga mu kiketezo kya Efuraimu eky'oku nsozi. Era yaizaagho buyaaka alutaari ya Musengwa Katonda eyali emberi gh'eisinzizo.

2 Ebyomubyanda 33:2

Yaakolanga ebibi eri Musengwa Katonda, ng'ajiira ku mpisa edheenhinhalwa edh'abamaghanga agandi Musengwa Katonda oyo be yabinga mu nsi eyo ng'Abaisiraeli bali kumpi okutuukayo.

2 Ebyomubyanda 33:9

Aye Manasse yaasendasenda abantu b'omu Buyudaaya n'ab'omu Yerusalemu, yaabaleetera okukola ebibi okusinga n'abantu abamaghanga agandi bye baakola, Musengwa Katonda be yazikiriza ng'Abaisiraeli bali kumpi okutuuka yo.

2 Ebyomubyanda 36:14

Ni bakabona abakulu nga kw'otaire n'abakulembeze abantu, boona baakola ebibi einho nga bajiira ku byenhinhalwa byonabyona eby'abamaghanga agandi. Kale baayonoona batyo eisinzizo Musengwa Katonda mwene lye yatukuza mu Yerusalemu.

Isaia 65:4

Obwire baja mu lwambiidhi omuziikibwa abantu, baatyama ku magombe era baaba mu bifo ebyekusifu. Balya emamba y'embiidhi, baawuutira mu bibya byaibwe omuunhu ogw'omu mamba eyenhinhalwa.

Yeremia 16:18

Nja kubabonereza nga mbeesasuulizaaku emikuzi ebiri olw'okwonoona kwaibwe n'ebibi byaibwe kuba baayonoona ensi yange baagireetamu ebisinzibwa byaibwe ebitali Katonda ebyenhinhalwa ebiri ng'oti bwa mirambo, era bagiidhuza emisambwa.”

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’

Ezekieli 16:47

Aye tikyakumala kwebisa nga beene, oba okukola ebyenhinhalwa nga beene kuba ghaabitagho bwa kaseera katono, waayonooneka n'okubasinga mu byonabyona by'okola.

Ezekieli 18:12

yaakiriga abaavu n'abali mu bwetaavu, yaakola obunhazi, yaaloba kwiriza muntu eyamwewolaku musingo gwe, yaasinza ebyo ebitali nze Katonda, yaakola ebyenhinhalwa,

Amateeka Agokubiri 12:31

“Mutasinzanga Musengwa Katonda waimwe mu nsambo beene ye basinzaamu bakatonda baibwe, kuba bwe baba nga bali kusinza bakatonda baibwe, bakola buli kyenhinhasa Musengwa Katonda era ky'atayenderaku irala. Bookya n'abaana baibwe mu muliro, ng'emisengo eri bakatonda baibwe.

Yoshua 23:9

Musengwa Katonda yabingagho amaghanga amakologho era ag'amaani, buli ghe mwatuukanga, ghaabulagho akana okubalwanisa.

1 Petero 4:3

Mu biseera ebyabita mwali n'obwire obumala okukola ebyo abantu ab'ensi bye benda. Mwemaliranga mu bwenzi, mu bukaba, mu butamiivu, mu kuja ku bibinuko ebibi, ni mu kusinza ebintu ebitali Katonda ebyenhinhalwa.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”