1 Bakyabazinga 21:25 - Baibuli Ekibono kya Katonda 2014

²⁵ Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

1 Bakyabazinga 21:25 ပူးပေါင်းရင်းမြစ်များ

1 Bakyabazinga 16:25

Omuri oyo yaakola ebibi eri Musengwa Katonda, yaayonoona okusinga n'abaamusooka boonaboona.

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 19:2

Agho Yezebeli yaatuma omukwenda y'Eliya, ng'akoba ati: “Emisambwa gigwananga gyambonereza n'obukambwe, bwe bunaatuuka enkyo mu kiseera nga kino nga nkaali kukwita, ng'oti niiwe bwe waise abantu abo.”

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

1 Bakyabazinga 21:7

Mukazi we Yezebeli yaamwiramu ati: “Ti niiwe ofuga Isiraeli? Situka olye emere, era omwoyo ka gukwike. Nze ndidha kukugha eisamba ly'emizabbibu erya Nabothi ow'e Yezireeli.”

1 Bakyabazinga 22:52

Yaakola ebibi eri Musengwa Katonda, ng'ajiira ku mpisa embi edha lata we Ahabu, n'edha inhina Yezebeli, n'edha kyabazinga Yeroboamu mutabane wa Nebati eyaleetera Isiraeli okwonoona.

1 Bakyabazinga 22:53

Ahazia oyo yaagheerezanga omusambwa Baali era yaagusinzanga. Olwo yaasungughaza Musengwa Katonda, Katonda wa Isiraeli, mu nsambo n'endala nga lata we bwe yakola.

2 Bakyabazinga 17:17

Baaghangayo abaana baibwe abalenzi n'abaghala ng'emisengo egyokebwa. Beeraguzanga era baakolanga eby'obulogo, era beegheerangayo irala okukola ebibi, baaleetera Musengwa Katonda okusungughala.

2 Bakyabazinga 23:25

Mu bakyabazinga boonaboona abaasookagho Yosia, tighaalighooku waire omulala eyamutuukaku mu kugheereza Musengwa Katonda n'omutima gwe gwonagwona, n'omwoyo gwe gwonagwona, n'amaani ge goonagoona, ng'ajiira ku mateeka ga Musa goonagoona. Ni mu bakyabazinga abaamwiririra mwona timwalimu yamutuukaku.

2 Bakyabazinga 9:22

Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

2 Bakyabazinga 9:34

Yehu yaingira mu kisaagaati kya kyabazinga, yaalya era yaanhwa. Memale yaakoba ati: “Mubone nti muziika omukazi oyo eyakolimirwa, kuba mughala wa kyabazinga.”

Nehemia 13:26

Naabakoba nti: “Timwidhi nga Solomoni kyabazinga wa Isiraeli, abakazi ng'oti n'abo n'abaamuleetera okwonoona? Mu maghanga goonagoona tiyabaayooku kyabazinga eyali ng'oti ni ye, era Katonda we yamwenda inho yaamufuula kyabazinga wa Isiraeli yoonayoona. Aye ate abakazi abamaghanga agandi baamuleetera yeena okwonoona.

Okuvaayo 34:16

Era mulisobola okufunira batabane baimwe ku baghala baibwe okubabayira. Kale baghala baibwe abo bwe balitoolera okusinza bakatonda baibwe, ni batabane baimwe balisobola okubeeyimbaku boona baasinza bakatonda abo.

Ensambo 22:14

Olulimi olw'okwewooya omukazi omwenzi lw'akozesa, luli ng'oti lwina luleeyiriri, omuntu Musengwa Katonda y'asungughalira, n'alugwamu.

Omulangirizi 7:26

Nazuula ekintu ekikakali okusinga n'okufa kwene: oyo nga n'omukazi akwenda n'akugemya ng'oti mutego oba ng'oti lutuula, n'akusiba mu mikono gye ng'oti ndhegere. Omuntu akola Katonda by'ayenda asobola okuwona omukazi oyo, aye omwonooni amugwa bwa mu ngalo.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 52:3

Musengwa Katonda akoba ati: “Imwe abantu bange mwatundibwa mu bwiru nga ghazira asaswire mpiiya naire, era mulinunulwa nga ghazira asaswire mpiiya.

Ebikolwa by'Abatume 14:2

Aye Abayudaaya abaaloba okwikiriza, baata omwoyo omubi mu bamaghanga agandi okukyagha aboluganda.

Ebikolwa by'Abatume 6:12

Kale baasasamaza abantu, n'abakulu ab'ebika, n'Abanamateeka, era baamugema baamuleeta mu lwekobaano.

Ab'e Roma 6:19

Ndhogera ng'omuntu obuntu, olw'obunafu obw'okutegeera kwaimwe. Ng'era bwe mweghangayo ni muba abairu mu kukola eby'eiko ni mu kwonoona, ni mukola ebibi, kale ni mperaano mwegheereyo irala ng'abairu ab'obutuufu, musobole okutukuzibwa.

Ab'e Roma 7:14

Twidhi nga Amateeka galigho ku lwa bya mwoyo, aye nze nfugibwa mubiri era ndi mwiru wa kibi.

Okwolekebwa 2:20

Aye kye ntasiima ni kino: Oleka omukazi Yezebeli, eyeeyeta omulanzi, yaayegeresa era yaakiidhamya abagheereza bange. Baakola eby'obudankaanu era baalya ebigheereibwayo eri ebisinzibwa ebitali Katonda.