1 Bakyabazinga 21:2 - Baibuli Ekibono kya Katonda 2014

² Agho Ahabu yaakoba Nabothi ati: “Mpa eisamba lyo ery'emizabbibu. Nga bwe liri okumpi n'ekisaagaati kyange, nhenda ndifuulemu enimiro yange ey'eiva. Ndidha kukughaamu eisamba erindi ery'emizabbibu erisingagho obulungi. Oba, bw'onaaba ng'oyenze, ndidha kukusasulamu omughendo gw'empiiya ogulijaamu.”

1 Bakyabazinga 21:2 ပူးပေါင်းရင်းမြစ်များ

Amainhama 16:6

Aye Aburamu yaakoba Sarai ati: “Bona, omwiru wo omukazi ali mu buyinza bwo, mukole nga bw'oyenda.” Agho Sarai yaabisa bubi inho Hagari, era Hagari yaamulumukaku.

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

1 Bakyabazinga 21:3

Aye Nabothi yaakoba Ahabu ati: “Musengwa Katonda agwananga yaaloba kundeka ni nkugha omugabo ogw'ensikirano ogwagheebwa badhaadha bange.”

1 Bakyabazinga 21:6

Ahabu yairamu ati: “Nkobye Nabothi ow'e Yezireeli nti, ‘Mpa eisamba lyo ery'emizabbibu ndigule. Oba, bw'onaaba oyenze, ndidha kukughaamu eisamba erindi ery'emizabbibu.’ Aye andhizeemu ati, ‘Tiidha kukugha isamba lyange lya mizabbibu.’ ”

2 Bakyabazinga 9:27

Ahazia kyabazinga wa Buyudaaya bwe yabona ebibairegho, yaalumukira mu kigaali kye eky'omu lutalo ng'agemye engira eja e Bethi Haggani. Yehu yaamubingirira, era yaakoba abasaadha be ati: “N'oyo yeena mumufumite.” Baamufumitira mu kigaali kye eky'omu lutalo, ere ng'oniinaniina Guri ekiri okumpi ni Ibuleamu. Yaalumukira e Megiddo yaafiira eyo.

Okuvaayo 20:17

“Muteegwanizanga ndhu dha bantu bandi. Muteegwanizanga baka beene, waire okwegwaniza abairu baibwe abasaadha oba abakazi, waire ente dhaibwe, oba endogoyi dhaibwe, oba ebintu byaibwe ebindi byonabyona.”

Omulangirizi 2:5

Naalima enimiro, naadhisimbamu emiti egy'ebibala egya buli kika.

Olwembo 4:15

Oli ng'oti nsulo edh'amaadhi amalungi agafukirira enimiro, era waaba ng'oti n'obwiga obukuuluula, nga buva ku lusozi Lebanoni.

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Luka 12:15

Agho yaabakoba ati: “Mwegendereze era mweghale okululunkanira ebintu kwonakwona kuba obulamu obw'omuntu tibuli mu kuba na bintu ni bwe biba kamaala bitya.”

Amateeka Agokubiri 11:10

Ensi ye muli kuja okwingiramu okutwala, teri ng'oti ni Misiri ye mwavaamu, mwe mwasiganga ensigo ni mukola n'amaani okudhifukirira, ng'enimiro y'eiva.

Amateeka Agokubiri 5:21

“ ‘Muteegwanizanga baka beene. Muteegwanizanga ndhu dha bantu bandi, waire enimiro dhaibwe, waire abairu baibwe abasaadha oba abakazi, waire ente dhaibwe, oba endogoyi, oba ekintu ekindi kyonakyona eky'omuntu owundi.”

1 Timotheo 6:9

Aye abo abenda okukombaghala tibalwa kukemebwa ni bagwa mu mutego ogw'amairu amangi ag'obusirusiru, ag'akabi era agasuula abantu mu kufafaagana ni mu kuzikirira.

1 Samueli 29:6

Agho Akishi yaayeta Daudi yaamukoba ati: “Ndayira mu Musengwa Katonda omulamu nti obaire mwesigwa ye ndi. Era nze mbona nga kyandibaire kikalamu okuja ninze mu lutalo luno, kuba tikuboinemu kisobyo kyonakyona kasookanga oidha ye ndi okutuusa ni ye buli eno. Aye abafuzi bale abandi tibali kwenda oje n'ife.

1 Samueli 8:14

Aidha kutoolanga amasamba gaimwe agasinga bulungi ag'emizabbibu n'ag'emiti emyoliva, agaghe abagheereza be.

1 Samueli 8:6

Aye eky'okukoba bati: “Tughe kyabazinga atukulemberenga,” kyanakughaza Samueli. Kale Samueli oyo yaasaba Musengwa Katonda.