1 Bakyabazinga 21:19 - Baibuli Ekibono kya Katonda 2014

¹⁹ Oidha kumukoba oti, ‘Musengwa Katonda akoba ati, omaze okutemula omuntu, obwo era otwale n'ebintu bye?’ Era oidha kumukoba oti, ‘Musengwa Katonda akoba ati, mu kifo mwene embwa mwe dhaakombeire omusaayi gwa Nabothi, era mwe dhiidha okukombera n'ogugwo.’ ”

1 Bakyabazinga 21:19 ပူးပေါင်းရင်းမြစ်များ

Amainhama 3:11

Katonda yaamubuuza ati: “Naani akukobeire ati oli madu? Oliire ku kibala eky'oku muti gwe nakukoba obutalyangaku?”

2 Samueli 12:11

Musengwa Katonda oyo era akoba ati, ‘Bona eno, ndidha kuleetera omuntu ow'omu ndhu yo mwene, akutuuseeku akabi. Ndidha kutoola bakazi bo ng'obona, mbaghe musaadha mwino, abe nabo mu buliri, omusana gwene.

2 Samueli 12:9

Lwaki wanhooma ebiragiro bya Musengwa Katonda, n'okola ebibi y'ali? Waita Uria Omuhitti nga weeyambisa Abammoni, waatoola mukazi we waamufuula wuwo.

1 Bakyabazinga 22:38

Baanaakiza ekigaali kye eky'omu lutalo ku nsulo y'e Samaria, embwa dhaakombera eyo omusaayi gwe, ni bamalaaya baagunaabiramu eyo, nga Musengwa Katonda bwe yakoba.

2 Bakyabazinga 10:10

Kale ni mukimanhe nga buli kintu Musengwa Katonda kye yakoba ku b'endhu ya Ahabu, tikiriroba kutuukirira. Musengwa Katonda akoze ekyo kye yayogera ng'abita mu mugheereza we Eliya.”

2 Bakyabazinga 10:7

Kale embaluwa ya Yehu bwe yabatuukaku, baatwala abaana abo boonaboona ensanvu baabaita, baata emitwe gyaibwe mu biibo, baagigheereza Yehu e Yezireeli.

2 Bakyabazinga 6:32

Agho yaatuma omukwenda okweta Elisha. Mu kiseera ekyo Elisha yali ng'atyaime mu ndhu ye eka ghalala n'abakulembeze b'abantu abaidha okumubona. Omukwenda wa kyabazinga bweyali ng'akaali kutuuka, Elisha yaakoba abakulembeze abo ati: “Muli kubona omutemo oyo bw'atumye bantemeku omutwe? Kale mubone eno, omukwenda bw'anaatuuka, mwidha kwigalagho olwigi mulukalangule, alobe kwingira. Ni kyabazinga mwene aidha kuba ng'ali kumuvaaku einhuma.”

Yobu 31:39

era bwemba nga ndya ebibala byamu aghazira kusasula, ni ndeka beene byo okufa endhala,

Zabbuli 68:23

memale mutyankirire omusaayi gwaibwe, n'embwa dhaimwe dhigunhwe okutuusa ku nkooye.”

Zabbuli 9:13

Wo Musengwa Katonda, nkusaba ondhune! Bona bwe ndaazibwadaazibwa abazigu! Ntoola mu ngalo dha walumbe

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Yeremia 34:6

Kale nze naaja, naakobera kyabazinga Zedekia obukwenda obwo ng'ali mu Yerusalemu.

Ezekieli 46:18

Era kyabazinga taatoolenga itaka lya bantu bandi n'alibabingamu. Eitaka ly'anaaghangaku abaana be liidha kubanga eryo lye yafuna ng'obusika bwe. Olwo alobe kutuntuzanga bantu bange ng'ababinga mu itaka lyaibwe.”

Habakkuku 2:12

Mukagwireku, imwe abazimba ekibuga mu ebyo bye mufuna mu kutemula, era ni mukibeesaagho mu ebyo bye mufuna mu kukola ebibi.

Habakkuku 2:9

Mukagwireku, imwe abakombaghaza ab'omu ndhu dhaimwe nga munhaga ebintu eby'abantu abandi. Era ni muzimba endhu dhaimwe mu bifo ebitatuukikamu, nga mugenderera okwewonia.

Matayo 7:2

kuba nga bwe musalira abandi omusango, mwena bwe gulibasalirwa, era n'ekipimo kye munaapimirangamu banaimwe, mwena n'ekiribapimirwamu.

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.