1 Bakyabazinga 21:13 - Baibuli Ekibono kya Katonda 2014

¹³ Abantu babiri abazira kye bagasa baidha baatyama mu maiso ge, era baamulumiriza mu maiso g'abantu nga bakoba bati: “Nabothi yavuma Katonda era yaavuma ni kyabazinga.” Kale abantu baamutwala kuliya kw'ekibuga, baamukuba amabaale, yaafa.

1 Bakyabazinga 21:13 ပူးပေါင်းရင်းမြစ်များ

1 Bakyabazinga 21:14

Agho baagheereza Yezebeli obukwenda bati: “Nabothi bamukubye amabaale, era afiire.”

2 Bakyabazinga 6:32

Agho yaatuma omukwenda okweta Elisha. Mu kiseera ekyo Elisha yali ng'atyaime mu ndhu ye eka ghalala n'abakulembeze b'abantu abaidha okumubona. Omukwenda wa kyabazinga bweyali ng'akaali kutuuka, Elisha yaakoba abakulembeze abo ati: “Muli kubona omutemo oyo bw'atumye bantemeku omutwe? Kale mubone eno, omukwenda bw'anaatuuka, mwidha kwigalagho olwigi mulukalangule, alobe kwingira. Ni kyabazinga mwene aidha kuba ng'ali kumuvaaku einhuma.”

2 Bakyabazinga 9:26

‘Bwenebwene ng'olwaidho bwe naboine nga Nabothi ni batabane be babatemwire, nkukakasa nti ndikwesasuulizaaku ghano mu kibandha kino.’ Kale ni mubbeede, omusuule mu kibandha ekyo okutuukiriza ekyo Musengwa Katonda kye yakoba.”

2 Ebyomubyanda 24:21

Aye abantu baamukolera olukwe, baamukubira amabaale mu luya lw'eisinzizo, nga baajiira ku kiragiro kya kyabazinga.

Yobu 1:11

Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 1:5

Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Yobu 2:9

Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Yobu 31:39

era bwemba nga ndya ebibala byamu aghazira kusasula, ni ndeka beene byo okufa endhala,

Zabbuli 27:12

Otandekulira agho bazigu kunkola kye benda, kuba abaguya abo baanumbye era bali kuneesoomera okunkankada.

Zabbuli 35:11

Abadhulizi abaguya basituka bampaama ebintu bye ntaidhiiku naire.

Okuvaayo 20:16

“Mutaghanga ku muntu budhulizi bwa bulimba.

Ensambo 19:28

Omuntu agha obudhulizi obw'obuguya anhooma ensala entuufu ey'omusango, era omuntu omubi awoomerwa okukola ebibi ng'oti bwa mere.

Ensambo 19:5

Omuntu agha obudhulizi obw'obuguya aja kubonerezebwa, era oyo ayogera eby'obulimba azira gh'aliwonera.

Ensambo 19:9

Omuntu agha obudhulizi obw'obuguya aja kubonerezebwa, era oyo ayogera eby'obulimba wa kuzikirira.

Ensambo 25:18

Omuntu agha ku mwine obudhulizi obw'obulimba, aba wa kabi ng'oti n'omwigo ogw'entole bwe gutentena, oba ng'empiima bw'efumita, oba ng'akalaso bwe kakubitamu.

Ensambo 6:19

okugha obudhulizi obw'obuguya, n'okusiikuulira abantu abali aghalala ebizibu.

Omulangirizi 10:20

Otayogeranga bubi ku mufuzi waire mu kaama, oba waire ng'oli mu kisenge kyo mw'osula; kuba enhonhi dhisobola okuguluka, dhaatwala by'okobye dhaabyogerayo.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Isaia 8:21

Era baidha kuyengeeteranga mu nsi nga beeraliikirivu inho, era nga balumwa endhala. Ng'endhala eri kubaluma, baidha kwesinwanga bakolime kyabazinga waibwe ni Katonda waibwe. Ni bwebaliringa ghaigulu batya,

Amosi 7:10

Agho Amazia kabona ow'e Betheli yaagheereza Yeroboamu, kyabazinga wa Isiraeli obukwenda nga bukoba buti: “Isebantu kyabazinga, Amosi ng'ali ghano mu bwakyabazinga bwo bwene, ali kukola entegeka edh'okubumalagho. By'ali kukoba bija kutabulatabula abantu ab'omu bwakyabazinga buno.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 9:3

Agho, abandi ku Banamateeka, mule munda baakoba bati: “Ono avuma Katonda!”

Luka 23:2

Baatoolera okumughaghabira bati: “Ono twamwagaana ng'akiidhamya abantu b'eighanga lyaife ng'abakoba obutaghanga Kaisari musolo, era nga yeeyeta Kurisito, ekitegeeza kiti Kyabazinga.”

Yoanne 19:12

Pilato bwe yawulira ekyo yaagezaaku okusala amagezi amulekule. Aye Abayudaaya baayongera okwasiikana bati: “Bw'olekula omusaadha oyo nga toli mukagwa wa Kaisari. Yeenayeena eyeefuula kyabazinga atakania Kaisari.”

Ebikolwa by'Abatume 24:5

Omusaadha ono twamubona nga wa kabi, adheemesa Abayudaaya boonaboona abali mu nsi era nga n'omukulembeze ow'ekikunsu ky'Abanazarethi.

Ebikolwa by'Abatume 6:11

Agho baaba n'abasaadha, be baapikiriza abaakoba bati: “Twamuwulira ng'avuma Musa ni Katonda.”

Amateeka Agokubiri 13:10

Oidha kumukubanga amabaale afe, kuba yagezaaku okukusendasenda ove ku Musengwa Katonda wo, eyakutoola mu Misiri, ye mwakolanga obwiru.

Amateeka Agokubiri 21:21

Agho abasaadha boonaboona ab'omu kibuga ekyo, baidha kumukubanga amabaale bamwite. Mu nsambo eyo munaabanga nga mwetoiremu ekibi ekyo. Agho Abaisiraeli boonaboona bwe banaawuliranga ekibairegho, baidha kutyanga.”

Amateeka Agokubiri 22:21

baidha kufulumyanga omughala oyo ku mulyango gw'endhu ya ise, abasaadha ab'omu kibuga ky'ewaibwe bamukube amabaale bamwite; kuba yakola eky'ensoni mu Isiraeli, yaaba n'omusaadha ate ng'akaali mu ndhu ya ise. Mutyo bwe muneetoolangaku ekibi ekyo.

Amateeka Agokubiri 22:24

Ekyo bwe kinaabangagho, bombi mwidha kubafulumyanga, ku luya kw'omulyango gw'ekibuga ekyo, mubakube amabaale bafe. Omughala aidha kwitibwanga olw'obutakuba nduulu ate nga yali mu kibuga. N'omusaadha aidha kwitibwanga olw'okuba yakaka muka beene yaaba naye. Mu nsambo eyo munaabanga nga mwetoireku ekibi ekyo.

Amateeka Agokubiri 5:20

“ ‘Mutaghanga ku bantu budhulizi bwa bulimba.

Abaheburayi 11:37

Baabakuba amabaale baabasalamu ghabiri n'emisumeeni, baitibwa n'empiima. Baabitanga nga bavaire amawu g'entaama n'ag'embuzi, nga bazira kantu, nga badaagadaaga, baabisibwa bubi,