1 Bakyabazinga 20:6 - Baibuli Ekibono kya Katonda 2014

⁶ Aye enkyo, mu kiseera ng'oti ni kino, ndidha kukusindikira abakungu bange, baidhe baagaaze mu ndhu yo ni mu ndhu dh'abakungu bo. Era kiisi ekinaabasanhusa kye banaagemangaku, baidha kukitwala.’ ”

1 Bakyabazinga 20:6 ပူးပေါင်းရင်းမြစ်များ

Amainhama 27:15

Rebekka yaatoolayo ebivaalo bya Esau omwana we omukulu, ebisinga okuba ebirungi bye yali atereike mu ndhu, yaabivaaza omwana we omuto Yakobo.

2 Samueli 24:14

Agho Daudi yaakoba Gadi ati: “Enaku engemye inho naasoberwa. Aye ekisinga leka Katonda ali n'ekisa ekyodo atubonereze mwene, mu kifo eky'abantu obuntu okutubonereza.”

1 Bakyabazinga 20:5

Nga ghabiseeghooku akaseera, abakwenda kabiri bairayo ye kyabazinga Ahabu, baakoba bati: “Benihadadi ali kukoba ati, ‘Natuma abakwenda y'oli, nga nkukoba ompeereze feeza wo ni zaabu wo, ni bakazi bo, n'abaana bo.

1 Bakyabazinga 20:7

Agho kyabazinga wa Isiraeli yaayeta abakulembeze boonaboona mu ighanga, yaabakoba ati: “Bwenebwene mugwaine mukimanhe nti omusaadha ono ali kutusonsoonia, kuba yansindikira abakwenda mbu mmughe abakazi bange, n'abaana bange, ni feeza wange, ni zaabu wange. Era tyamulobera naire.”

Ezera 8:27

ebibya amakumi abiri ebya zaabu, nga bizitogha kilo nga munaana n'ekitundu; n'ebibya ebindi bibiri ebyazigulwa obukalamu mu kyuma eky'ekikomo era eby'omughendo ogwaga n'ogwa zaabu.

Isaia 44:9

Abo boonaboona abakola ebisinzibwa ebitali Katonda bali agho batyo, bazira kye bagasa naire. N'ebisinzibwa byaibwe ebyo ebibeesiimisa, biziramu muganhulo. N'abo ababisinza batulu beene, era tibaidhi ng'ekyo kye bakola kisobola okubaleetera okuswala obuswale.

Yeremia 25:34

Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Okulira 1:10

Abazigu baaja baidha, baanhaga ebintu eby'omu kibuga byonabyona eby'omughendo. Bwenebwene ab'omu kibuga ekyo baabona bukalamu abamaghanga agandi nga bangirira irala mu kifo ekitukuvu, Musengwa ghe yalobera abamaghanga agandi okutuuka.

Okulira 1:7

Mu biseera ebyo eby'okudaazibwadaazibwa, ab'omu Yerusalemu baidhukira ebintu byaibwe eby'omughendo, bye baalinga nabyo mu biseera ebyabita. Baidhukira bwe baaghangulwa abazigu ni ghabula omuntu ababeeraku yeenayeena. Abazigu baibwe abo baabalingirira baabasekerera olw'okughangulwa okwo.

Hosea 13:15

Abaisiraeli ni bwe baliba nga n'abali obulungi mu baganda baibwe, nze Musengwa Katonda ndisindika empewo yange ey'e buvandhuba eva mu irungu, yaidha yaakaza ensulo dhaibwe n'emiiga gyaibwe. Era erikokoobya ebintu byaibwe eby'omughendo byonabyona bye baatereka.

Yoeli 3:5

Olw'okuba mwatoola feeza wange ni zaabu wange, mwatoola n'eby'obukombe byange, mwabitwala mu masabo gaimwe.