1 Bakyabazinga 20:39 - Baibuli Ekibono kya Katonda 2014

³⁹ Kyabazinga bweyali ng'ali kubitagho, omulanzi oyo yaamweta ng'akoba ati: “Isebantu kyabazinga, nze omugheereza wo bwe nali nga ndi kulwana mu lutalo, omwisirukale mulala yaava ere yandeetera omusaadha, era yankoba ati, ‘Kuuma omusaadha ono. Aye bwe kalikutanda n'akweibaku, obulamu bwo bw'olisasulamu obubwe, oba olirigha ebitundu bya feeza lukumi (1,000).’

1 Bakyabazinga 20:39 ပူးပေါင်းရင်းမြစ်များ

1 Bakyabazinga 20:40

Kale, nze omugheereza wo bwe nali nga ndi kukola ebintu kamaala eno n'ere, omusaadha yeiba.” Kyabazinga wa Isiraeli yaamukoba ati: “Omusango n'iwe mwene ogwesaliire.”

1 Bakyabazinga 20:42

Omulanzi yaakoba kyabazinga ati: “Musengwa Katonda akoba ati, ‘Nga bwe walekula omusaadha ye nalagira okwita, n'omuleka n'aja, obulamu bwo bw'oidha okusasuzaamu obubwe, n'abantu bo b'oidha okusasuzaamu ababe.’ ”

2 Bakyabazinga 10:24

Agho baingira okughaayo omusengo n'ebigheebwayo ebyokebwa. Yehu yali ng'amaze okutaagho abasaadha kinaana kuliya kw'eisabo, ng'abakobye ati: “Oyo anaaleka omuntu yeenayeena okulumuka n'awona, mwene n'aidha okwitibwa mu kifo kye.”

Yobu 36:18

Weegendereze olobe kuguyibwaguyibwa bya bukombe. Era enguzi erobe kukwonoona.

Zabbuli 49:7

Bwenebwene ghazira muntu asobola kwenunula mwene, oba okusasula Katonda omughendo oguja mu bulamu bwe;

Okuvaayo 21:30

Aye bwe banaamuganhanga okuligha olw'okuwonia obulamu bwe, anaabanga n'okusasula mu bwidhuvu kye banaamusaliranga.

Ensambo 13:8

Omugaiga aghaayo eby'obugaiga bwe okununula obulamu bwe, aye omwavu ghazira ky'asabibwa kughaayo naire.

Ensambo 6:35

Ezira mutango gw'aliganha kutwala, era talinhiigulukuka ni bw'omugha ebirabo eby'okulala okulala.

Yeremia 48:10

“Omuntu atakola mulimo gwa Musengwa Katonda na mwoyo mulala akolimirwe! N'oyo alobera empiima ye okwita akolimirwe!”