1 Bakyabazinga 20:34 - Baibuli Ekibono kya Katonda 2014

³⁴ Agho Benihadadi yaakoba Ahabu ati: “Ebibuga lata wange bye yanhaga ku lata wo, nze ndidha kubikwiriza. Era oidha kuba wa idembe okwezimbira obutale mu Damasiko, nga lata wange bwe yeezimbira mu Samaria.” Ahabu yaamukoba ati: “Ku kakalu ako, ndidha kukuleka oje.” Agho yaakola naye endagaano, yaamuleka yaaja.

1 Bakyabazinga 20:34 ပူးပေါင်းရင်းမြစ်များ

1 Bakyabazinga 15:20

Agho Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli, yaagema ebibuga bino: Iyoni, ni Dani, ni Abeli Bethi Maaka, ni Kinnerothi, n'ekiketezo kyonakyona ekya Nafutali.

1 Bakyabazinga 20:33

Abasaadha abo baali nga bali kwekalirisa inho Ahabu oyo ky'ayogera. Kale bwe yakoba ati: “Oyo muganda wange,” amangu ago beenhuka ku ekyo, baakoba bati: “Yii, muganda wo Benihadadi.” Ahabu yaakoba ati: “Muje mumuleete.” Benihadadi yaidha ye Ahabu. Ahabu oyo yaamuniinisa mu kigaali kye eky'omu lutalo.

1 Bakyabazinga 20:42

Omulanzi yaakoba kyabazinga ati: “Musengwa Katonda akoba ati, ‘Nga bwe walekula omusaadha ye nalagira okwita, n'omuleka n'aja, obulamu bwo bw'oidha okusasuzaamu obubwe, n'abantu bo b'oidha okusasuzaamu ababe.’ ”

1 Bakyabazinga 22:31

Kyabazinga wa Siria yali amaze okulagira abaduumizi b'ebigaali bye amakumi asatu n'ebibiri eby'omu lutalo, ati: “Mutalwanisa muntu wundi yeenayeena, k'abe omukulu oba omuto, okutoolaku kyabazinga wa Isiraeli yenka.”

2 Ebyomubyanda 16:4

Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli. Baagema ebibuga bino: Iyoni, ni Dani, ni Abeli Maimu, n'ebibuga bya Nafutali byonabyona ebyalimu amaterekero.

2 Ebyomubyanda 18:30

Kyabazinga wa Siria yali amaze okulagira abaduumizi b'ebigaali bye eby'omu lutalo, ati: “Mutalwanisa muntu wundi yeenayeena, k'abe omukulu oba omuto, okutoolaku kyabazinga wa Isiraeli yenka.”

Isaia 26:10

Ababi ni bw'obakolera ekisa, tibeega kukola bituufu. Ni mu nsi y'abantu abeesimbu mwona bakoleramu bwa bikyamu, baaloba kubona Musengwa Katonda nga bw'ali omukologho.

Isaia 8:12

“Iwe oteeyimbanga mu nkwe abantu bano dhe bakola, era ebyo bye batya iwe otabityanga naire, waire okuwaamu omwoyo.

Amateeka Agokubiri 7:2

Musengwa Katonda waimwe bw'alita abantu abo mu ngalo dhaimwe ni mu baghangula, muteekwa okubasaaniagho boonaboona. Mutakolanga nabo ndagaano waire ndala eti, era mutabagemerwanga kivunika naire.

1 Samueli 11:1

Agho kyabazinga Omuammoni eyayetebwanga Nahashi, yaaja yaalumba ekibuga Yabeshi Gileadi, yaakizingiza okukyezunguluza. Abantu ab'e Yabeshi baakoba Nahashi oyo bati: “Kola n'ife endagaano, olwo twidha kukugheerezanga.”

1 Samueli 15:8

Yaatwala Agagi, kyabazinga w'Abamaleki, nga mulamu, yaazikiriza abantu boonaboona okubamalagho.

1 Samueli 15:9

Aye Saulo n'abalwani be baasaasira Agagi baaloba kumwita. Era baalekagho entaama n'ente empiite ensavu, n'entaama entototo, n'ebintu ebindi eby'omugaso, baaloba kubizikiriza. Ebintu ebindi bye bataabonamu kalungi oba omugaso baabizikiriza.