1 Bakyabazinga 20:33 - Baibuli Ekibono kya Katonda 2014

³³ Abasaadha abo baali nga bali kwekalirisa inho Ahabu oyo ky'ayogera. Kale bwe yakoba ati: “Oyo muganda wange,” amangu ago beenhuka ku ekyo, baakoba bati: “Yii, muganda wo Benihadadi.” Ahabu yaakoba ati: “Muje mumuleete.” Benihadadi yaidha ye Ahabu. Ahabu oyo yaamuniinisa mu kigaali kye eky'omu lutalo.

1 Bakyabazinga 20:33 ပူးပေါင်းရင်းမြစ်များ

1 Bakyabazinga 15:18

Agho Asa yaatoolayo feeza yeenayeena ni zaabu eyali asigaire mu iterekero ly'eisinzizo ni mu iterekero erirye nga kyabazinga, yaamugemya abagheereza be bamutwalire kyabazinga Benihadadi ow'e Siria, eyabanga mu Damasiko. Benihadadi oyo, nga ni mutabane wa Taburimmoni era mwidhukulu wa Hezironi. Kyabazinga Asa yaagheereza kyabazinga Benihadadi obukwenda obukoba buti:

1 Bakyabazinga 20:32

Kale beesiba ekutiya mu nkende n'emigugha mu nkoto, baaja eri kyabazinga wa Isiraeli, baakoba bati: “Omugheereza wo Benihadadi ali kukoba ati, ‘Nkweghemba ndekera obulamu bwange.’ ” Ahabu yaabuuza ati: “Akaali mulamu? Oyo muganda wange.”

1 Bakyabazinga 20:34

Agho Benihadadi yaakoba Ahabu ati: “Ebibuga lata wange bye yanhaga ku lata wo, nze ndidha kubikwiriza. Era oidha kuba wa idembe okwezimbira obutale mu Damasiko, nga lata wange bwe yeezimbira mu Samaria.” Ahabu yaamukoba ati: “Ku kakalu ako, ndidha kukuleka oje.” Agho yaakola naye endagaano, yaamuleka yaaja.

2 Bakyabazinga 10:15

Yehu bwe yava agho, yaayagaana Yehonadabu mutabane wa Rekabu ng'ali kwidha okumubona. Yehu yaamulamusa, yaamubuuza ati: “Iwe ninze tufaanania endowooza?” Yehonadabu yairamu ati: “N'ekyo kyene, isebo.” Yehu yaakoba ati: “Oba nga kityo bwekiri, kale mpe eno omukono gwo.” Yehonadabu yaamugha omukono gwe. Yehu yaamuniinisa mu kigaali kye eky'omu lutalo,

Ensambo 25:13

Omukwenda omwesigwa aizaamu amaani abo abaamutuma, ng'oti n'amaadhi ag'okunhwa amainhogovu bwe gaghegheeza abaganhwa mu kasana mu biseera eby'okukungula.

Luka 16:8

“Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.

Ebikolwa by'Abatume 8:31

Omwethiopia yaamwiramu ati: “Mpanga ntya okubitegeera, okutoolaku nga ghaligho abiinhinhongoire?” Agho yaasaba Filipo aniine atyame naye mu kigaali.