1 Bakyabazinga 20:30 - Baibuli Ekibono kya Katonda 2014

³⁰ Abaawonagho baalumukira mu kibuga Afeki. Eyo ate ekimante eky'oku kibuga kyagwa ku baisirukale emitwalo ebiri na kasanvu (27,000). Benihadadi yeena yaalumuka, yaaja mu kibuga, yeegisa mu kisenge eky'omunda.

1 Bakyabazinga 20:30 ပူးပေါင်းရင်းမြစ်များ

2 Samueli 18:8

Olutalo lwabunia ekiketezo ekyo kyonakyona, era ku lunaku olwo abantu abaafiira mu kibira baaba kamaala n'okusinga abaitibwa mu lutalo.

1 Bakyabazinga 20:10

Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

1 Bakyabazinga 20:20

Era buli muntu ku beene, yaita omuntu ye yalwana naye. Abasiria baalumuka, era Abaisiraeli baababingirira. Aye Benihadadi kyabazinga wa Siria yaawona ng'alumukira ku mbalaasi, ghalala n'ab'eigye lye ab'oku mbalaasi.

1 Bakyabazinga 20:26

Omwaka bwe gwali nga guli kwinhama, yaasoloza Abasiria, yaaja nabo mu Afeki okulwanisa Abaisiraeli.

1 Bakyabazinga 20:29

Abasiria n'Abaisiraeli baasimba weema dhaibwe nga badhirinzagainia okumala enaku musanvu. Ku lunaku olwomusanvu baatoolera okulwana. Mu lunaku lulala, Abaisiraeli baita mu igye lya Siria abaisirukale ab'oku bigere emitwalo ikumi (100,000).

1 Bakyabazinga 22:25

Mikaia yairamu ati: “Mu butuufu, ekyo olikimanha ku lunaku lw'olingira mu kisenge eky'omunda okwegisa.”

2 Bakyabazinga 10:24

Agho baingira okughaayo omusengo n'ebigheebwayo ebyokebwa. Yehu yali ng'amaze okutaagho abasaadha kinaana kuliya kw'eisabo, ng'abakobye ati: “Oyo anaaleka omuntu yeenayeena okulumuka n'awona, mwene n'aidha okwitibwa mu kifo kye.”

2 Bakyabazinga 9:2

Bw'onaatuukayo oidha kwagala Yehu mutabane wa Yehoshafati era mwidhukulu wa Nimushi. Olwo oingire mu ndhu mw'ali, omutoole mu baine, omutwale mu kisenge eky'omunda.

2 Ebyomubyanda 18:24

Mikaia yairamu ati: “Mu butuufu, ekyo olikimanha ku lunaku lw'olingira mu kisenge eky'omunda okwegisa.”

Zabbuli 18:25

Wo Musengwa Katonda, oli mwesigwa eri abo abeesigwa y'oli; oli mulungi eri abo abalungi abaziraku musango.

Isaia 24:18

Ole alirumuka n'awona entiisa, aligwa mu lwina. Ate ole aligezaaku n'ava mu lwina, aligwa bwa ku mutego gwamugemya. Ebituli eby'oku igulu biigule, kale amaadhi galiyuyika okuva ku igulu, n'emisingi gy'ensi gyatengeeta.

Isaia 30:13

agho ni muliku omusango era gubaleeteire okuba ng'oti n'ekimante ekigungumavu ekyetemye ogutanda, nga kiruyiriire era nga kiri kugwa amangu geene, mu kaseera buseera.

Yeremia 48:44

Buli aligezaaku okulumuka okwewonia entiisa, aligwa mu biina. Ate oyo aliniina n'ava mu biina, aligwa ku mutego, olw'okuba nze Musengwa Katonda namala okutaagho ekiseera eky'okuzikirizaamu Moabu.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Amosi 5:19

Kiriba ng'oti n'omuntu ali kulumuka ku mpologoma, kabiri n'ayagaanana n'ekisolo ekikambwe. Oba ng'oti n'omuntu angira mu ndhu ni yeesiira ku kimante, omusota ni gumumoodha omukono.

Amosi 9:3

Ni bwe balyegisa ghaigulu ku lusozi Karumeli, era nja kubaagala mbatuukeku mbatooleyo. Ni bwe balyegisa ghansi ku ntobo ey'enhandha, era nja kulagira ogusota gwamu gubalume.

Luka 13:4

“Oba abo eikumi n'omunaana, omunaala ogw'e Siloamu be gwagwaku ni gubaita. Mulowooza muti baali boonooni okusinga abantu boonaboona abaabanga mu Yerusalemu?

Yoshua 13:4

ekiri ku luuyi olw'omukono omusaadha olw'e buvandhuba. Ghaligho ekiketezo eky'Abakanaani kyene, ghaabaagho ni Meara ekyali eky'Abasidoni ekituuka e Afeki ku nsalosalo n'Abamori.

Abalamuzi 9:40

Gaali yaalumuka, Abimeleki yaamubingirira. Abantu kamaala baaja nga bagwa okutuukira irala ku mulyango ogw'ekibuga, olw'okufumitibwa.

1 Samueli 29:1

Agho Abafilisiti baasololeza amagye gaibwe goonagoona mu Afeki, ate Abaisiraeli baasimba weema dhaibwe kumpi n'ensulo ey'e Yezireeli.