1 Bakyabazinga 20:29 - Baibuli Ekibono kya Katonda 2014

²⁹ Abasiria n'Abaisiraeli baasimba weema dhaibwe nga badhirinzagainia okumala enaku musanvu. Ku lunaku olwomusanvu baatoolera okulwana. Mu lunaku lulala, Abaisiraeli baita mu igye lya Siria abaisirukale ab'oku bigere emitwalo ikumi (100,000).

1 Bakyabazinga 20:29 ပူးပေါင်းရင်းမြစ်များ

Amainhama 25:20

Isaaka bweyagheza emyaka amakumi ana (40) egy'obukulu, yaabayiza mughala wa Bethueli Omuarami ow'e Paddanarama, ayetebwa Rebekka, mwanhina Labani.

2 Samueli 10:18

Abasiria baalumuka Abaisiraeli. Daudi yaita abalwani Abasiria ab'oku bigaali eby'omu lutalo lusanvu, n'ab'oku mbalaasi emitwalo ena (40,000). Era baafumita Shobaki omuduumizi ow'eigye ly'Abasiria, yaafiira mu lutalo.

1 Bakyabazinga 20:28

Agho omuntu wa Katonda yaaja yaakoba Ahabu kyabazinga wa Isiraeli ati: “Musengwa Katonda akoba ati, ‘Olw'okuba Abasiria baakoba bati nze Musengwa Katonda ndi musambwa gwa ku nsozi ogutali gwa mu biiko, ndidha kukuta mu ngalo olukunkumuli olwo lwonalwona olw'abalwani, memale mumanhe nga ninze Musengwa Katonda.’ ”

1 Bakyabazinga 20:30

Abaawonagho baalumukira mu kibuga Afeki. Eyo ate ekimante eky'oku kibuga kyagwa ku baisirukale emitwalo ebiri na kasanvu (27,000). Benihadadi yeena yaalumuka, yaaja mu kibuga, yeegisa mu kisenge eky'omunda.

2 Bakyabazinga 13:17

Yaakoba ati: “Igulagho eidinisa eriringiriire e buvandhuba.” Yaaliigulagho. Agho Elisha yaakoba ati: “Lasa akalaso.” Kyabazinga yaalasa. Elisha yaakoba ati: “Ako n'akalaso ka Musengwa Katonda ak'obughanguzi, akalaso akalighangula Siria. Olirwanisa Abasiria mu Afeki okutuusa lw'olibamalagho.”

2 Bakyabazinga 13:25

Agho kyabazinga Yehoashi owa Isiraeli, mutabane wa Yehoahazi, yaaghangula Benihadadi emikuzi esatu, yaamutoolaku ebibuga bya Isiraeli, Benihadadi oyo bye yali anhaze ng'alwanisa Yehoahazi lata wa Yehoashi oyo.

2 Ebyomubyanda 13:17

Abiya n'eigye lye, baaghangulira irala Abaisiraeli era Abaisiraeli abo baafiirwa abalwani baibwe ab'amaani einho, abaghera emitwalo amakumi ataanu (500,000).

2 Ebyomubyanda 28:6

Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

Zabbuli 10:16

Musengwa Katonda ni kyabazinga ow'ebyanda n'ebyanda, abatamutya tibaja kubanga mu nsi ye.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Yoshua 6:15

Ku lunaku olwomusanvu baasituka mu nkyo inho, baatambula okwezungulula ekibuga mu nsambo n'endala emikuzi musanvu. Luno n'olunaku lwonka lwe baakyezungulula emikuzi omusanvu.

1 Samueli 17:16

Omufilisiti oyo yaidhanga buli lunaku, enkyo n'eigulo, yaasonsoonianga Abaisiraeli okumala enaku amakumi ana.