1 Bakyabazinga 20:27 - Baibuli Ekibono kya Katonda 2014

²⁷ N'Abaisiraeli boona baasolozebwa, baagheebwa ebikozesebwa, baaja okulwana n'Abasiria abo. Abaisiraeli baasimba weema dhaibwe nga balinzagainia nabo, nga bali ng'oti bwa bughaso bwa mbuzi bubiri obutono, aye Abasiria nga babunie woonawoona.

1 Bakyabazinga 20:27 ပူးပေါင်းရင်းမြစ်များ

2 Bakyabazinga 3:6

Kyabazinga Yehoramu kyeyava n'ava mu Samaria, n'asoloza eigye lye mu Isiraeli yoonayoona,

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Yoshua 1:11

Mubitebite mu bantu eyo mu weema dhaibwe ye bali mu bakobe muti: “Mwetegekereyo emere ey'omu lugendo, kuba olwadhuuzi muja okusomoka omwiga Yorudani okuja okutwala ensi, Musengwa Katonda waimwe y'ali kubagha.”

Abalamuzi 6:3

kuba Abaisiraeli buli lwe baamalanga okusiga, olwo nga Abamidia, n'Abamaleki, n'abatyamye ab'omu buvandhuba, beeyimba okwidha okubalumba.

Abalamuzi 6:5

Baidhanga n'ente dhaibwe, n'egamiya dhaibwe, n'eweema dhaibwe, nga bangi ng'oti nzige. Beene ghalala n'engamiya dhaibwe nga tibabalika olw'obungi. Agho baaja nga bazikiriza ensi eyo buli ghe baabitanga.

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.

Abalamuzi 7:8

Kale Gideoni yaasindika Abaisiraeli boonaboona bairayo ewaibwe, okutoolaku bale ebikumi ebisatu, be yasigala nabo, ni basigaza eby'okulya byonabyona n'amagwala. Weema edh'Abamidia dhaali nga dhibali ghansi mu kiiko.

1 Samueli 14:2

Saulo oyo yali ali kumpi ni Gibea, ghansi gh'omuti omukomamawanga ogwali e Migironi, era ng'ali n'abantu ng'oti lukaaga.