1 Bakyabazinga 20:20 - Baibuli Ekibono kya Katonda 2014

²⁰ Era buli muntu ku beene, yaita omuntu ye yalwana naye. Abasiria baalumuka, era Abaisiraeli baababingirira. Aye Benihadadi kyabazinga wa Siria yaawona ng'alumukira ku mbalaasi, ghalala n'ab'eigye lye ab'oku mbalaasi.

1 Bakyabazinga 20:20 ပူးပေါင်းရင်းမြစ်များ

2 Samueli 2:16

Buli muntu ku abo yaagema ow'okulwana naye omutwe, yaamufumita empiima mu mbavu, bombi baagwira kulala baafa. Kyova ekifo ekyo baakyeta “Ekibandha eky'Empiima”, era kiri e Gibeoni.

1 Bakyabazinga 15:18

Agho Asa yaatoolayo feeza yeenayeena ni zaabu eyali asigaire mu iterekero ly'eisinzizo ni mu iterekero erirye nga kyabazinga, yaamugemya abagheereza be bamutwalire kyabazinga Benihadadi ow'e Siria, eyabanga mu Damasiko. Benihadadi oyo, nga ni mutabane wa Taburimmoni era mwidhukulu wa Hezironi. Kyabazinga Asa yaagheereza kyabazinga Benihadadi obukwenda obukoba buti:

1 Bakyabazinga 20:19

Kale abaisuka abagheereza ab'abafuzi ab'omu biketezo baafuluma ekibuga, n'eigye lyabavaaku einhuma.

1 Bakyabazinga 20:21

Kyabazinga wa Isiraeli yaalwana olutalo, yaanhaga embalaasi n'ebigaali eby'omu lutalo, era yaita Abasiria kamaala inho.

2 Bakyabazinga 19:36

Agho Sennakeribu kyabazinga w'e Assiria yaavaagho yairayo, yaaja e Nineve yaaba eyo.

Zabbuli 33:16

Kyabazinga okuba n'eigye ery'amaani ti n'ekimuwonia okughangulwa, ate omulwani okuba n'amaani kamaala ti n'ekimuleetera okughangula.

Zabbuli 46:6

Katonda bw'aboigoka, abamaghanga baidhamu okutya okw'amaani, obwakyabazinga bwatengeesebwa n'ensi yoonayoona yaatengera.

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Yeremia 41:15

Aye Ishimaeli n'abasaadha be munaana, baalumukira mu kiketezo kya Ammoni, baawona.

Abalevi 26:8

Abataanu ku imwe baidha kughangulanga ekikumi, n'ekikumi ku imwe baidha kughangulanga omutwalo omulamba. Mu lutalo, abazigu baimwe munaabaitanga mwabamaliriragho.

Abalamuzi 7:23

Agho abasaadha Abaisiraeli baayetebwa okuva mu kika ekya Nafutali, n'ekya Asheri, n'ekya Manasse kyonakyona, baidha baabingirira Abamidia.