1 Bakyabazinga 20:16 - Baibuli Ekibono kya Katonda 2014

¹⁶ Baalumba mu kasana ghagati, nga Benihadadi ni bakyabazinga amakumi asatu n'ababiri abaidha okumuyambaku mu lutalo, nga bali mu ntindi bali bwa kunhwa kutamiira!

1 Bakyabazinga 20:16 ပူးပေါင်းရင်းမြစ်များ

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

1 Bakyabazinga 16:9

Aye Zimuri, owundi ku bakungu be eyaduumiranga ekitundu ku bigaali bye eby'omu lutalo, yaamulyamu olukwe. Lwali lulala, Ela yaanhwa omwenge, yaatamiirira mu maka ga Aruza eyalabiriranga ekisaagaati kya kyabazinga e Tiruza

1 Bakyabazinga 20:15

Agho kyabazinga Ahabu yaabala abaisuka abagheereza ab'abafuzi ab'omu biketezo, baaba nga baghera ebikumi bibiri n'asatu na babiri (232). Ng'amaze ekyo, yaabala eigye lyonalyona era Isiraeli lyaba nga ligheramu abantu kasanvu (7,000).

1 Bakyabazinga 20:17

Abaisuka abagheereza ab'abafuzi ab'omu biketezo, n'abaasooka okulumba. Benihadadi yaatuma abakeesi, baamukobera bati ghaligho abalwani abaviire mu Samaria.

1 Bakyabazinga 22:31

Kyabazinga wa Siria yali amaze okulagira abaduumizi b'ebigaali bye amakumi asatu n'ebibiri eby'omu lutalo, ati: “Mutalwanisa muntu wundi yeenayeena, k'abe omukulu oba omuto, okutoolaku kyabazinga wa Isiraeli yenka.”

Ensambo 20:1

Omuntu anhwa einho omwenge yeereetera okunhoomebwa, yaasoola era yaalwana; era ole yeenayeena atwalirizibwa omwenge aba musiru.

Isaia 5:22

Bakagwireku abo abamanhifu einho mu kunhwa omwenge, abaziramu ntete kutabikatabika bya kunhwa bitamiiza.

Isaia 54:15

Omuntu yeenayeena alikutanulaku olutalo, ti ninze ndiba nga mmuganhie akole atyo. Buli alikutanulaku olutalo olimughangula yaagwa ere.

Hosea 4:11

Musengwa Katonda akoba ati: “Omwenge omusu n'oguwoze, gumala mu bantu bange okutegeera.

Amosi 6:7

Olw'ensonga eyo niimwe abalikulemberamu ku abo abalitwalibwa mu bunhage. N'ebibinuko byaimwe eby'ekigayaavu birikoma.