1 Bakyabazinga 20:12 - Baibuli Ekibono kya Katonda 2014

¹² Benihadadi bwe yaawulira obukwenda obwo ng'ali kunhwa mu ntindi ghalala ni bakyabazinga bale abaamweyimbaku, yaalagira abasaadha be ati: “Mwemerere mu bifo byaimwe!” Baayemerera mu bifo byaibwe nga beetegeike okulumba ekibuga.

1 Bakyabazinga 20:12 ပူးပေါင်းရင်းမြစ်များ

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

1 Bakyabazinga 16:9

Aye Zimuri, owundi ku bakungu be eyaduumiranga ekitundu ku bigaali bye eby'omu lutalo, yaamulyamu olukwe. Lwali lulala, Ela yaanhwa omwenge, yaatamiirira mu maka ga Aruza eyalabiriranga ekisaagaati kya kyabazinga e Tiruza

1 Bakyabazinga 20:16

Baalumba mu kasana ghagati, nga Benihadadi ni bakyabazinga amakumi asatu n'ababiri abaidha okumuyambaku mu lutalo, nga bali mu ntindi bali bwa kunhwa kutamiira!

Yeremia 43:10

Memale obakobe oti nze Musengwa Katonda Afuga Amagye, Katonda wa Isiraeli, ndyetesa ghano omugheereza wange Nebukadinezzari kyabazinga ow'e Babilonia. Yaidha yaata ekityamo kye eky'obwakyabazinga ghano ku mabaale gano ge nziise, era yaagasimbaku ni weema ye ey'obwakyabazinga.

Danieli 5:2

Beleshazzari bwe yanhwa omwenge n'aghezaamu, yaalagira baje baleete ebikopo bya zaabu n'ebya feeza, lata we Nebukadinezzari bye yatoola mu isinzizo e Yerusalemu olwo nga Beleshazzari oyo ayenda, mwene, n'abakungu be, ni bakazi be ab'omu ndhu n'ab'embali, babinhweremu.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

1 Samueli 25:36

Abigaili yairayo ye Nabali, yaamwagaana ng'afumbye embaga ey'amaani mu ndhu ye embaga eyo ng'eri ng'oti ya kyabazinga. Yali atamiire inho era nga musangaavu inho. Kale Abigaili yaaloba kumukobera kintu kyonakyona okutuusa bwe bwakya enkyo.