1 Bakyabazinga 20:10 - Baibuli Ekibono kya Katonda 2014

¹⁰ Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

1 Bakyabazinga 20:10 ပူးပေါင်းရင်းမြစ်များ

1 Bakyabazinga 19:2

Agho Yezebeli yaatuma omukwenda y'Eliya, ng'akoba ati: “Emisambwa gigwananga gyambonereza n'obukambwe, bwe bunaatuuka enkyo mu kiseera nga kino nga nkaali kukwita, ng'oti niiwe bwe waise abantu abo.”

1 Bakyabazinga 2:23

Agho kyabazinga Solomoni yaalayira mu Musengwa Katonda ati: “Adoniya bw'ataitibwe olw'ekyo ky'asabye, Katonda agwananga yambonereza inho.

1 Bakyabazinga 20:9

Agho Ahabu yaakoba abakwenda ba Benihadadi ati: “Mukobe musengwa wange kyabazinga muti, nze omugheereza we ndidha kukola bire byonabyona bye yasooka okunkoba. Aye kino tighanga kukikola.” Abakwenda baagolola, baatwalira Benihadadi obukwenda obwo.

2 Bakyabazinga 18:24

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

2 Bakyabazinga 6:31

Kyabazinga oyo yaakoba ati: “Katonda agwananga yambonereza n'obukambwe, Elisha mutabane wa Safati bwe bataamutemeku mutwe olwaleero.”

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Yeremia 46:17

Mutuume kyabazinga wa Misiri eriina eiyaaka muti ni, ‘Kyasiikano, ayasiikana obwasiikane. Eyaleka omukisa gwe ni guja obuje gutyo.’

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Ebikolwa by'Abatume 23:12

Bwe bwakya enkyo, Abayudaaya beekobaana, beefuugha nga bakoba bati tibaja kulya waire okunhwa okutoolaku nga bamaze okwita Paulo.

Abalamuzi 4:10

Baraki yaayeta ab'ekika kya Nafutali n'ekya Zebuluni. Agho abasaadha omutwalo mulala baamunonereza, ni Debora yeena yaaja naye.

1 Samueli 17:43

Omufilisiti yaakoba Daudi ati: “Nze ondhese mbwa, memale ondhidhire n'emiigo obwigo.” Agho yakolimira Daudi mu liina ly'emisambwa gye.