1 Bakyabazinga 2:45 - Baibuli Ekibono kya Katonda 2014

⁴⁵ Aye nze Solomoni, Musengwa Katonda aidha kumpa enkabi era aidha kuleetera obwakyabazinga bwa Daudi okukakata enaku dhoonadhoona.”

1 Bakyabazinga 2:45 ပူးပေါင်းရင်းမြစ်များ

2 Samueli 7:13

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

1 Bakyabazinga 2:24

Ndayira Musengwa Katonda omulamu eyampa obwakyabazinga bwa lata wange Daudi, nze n'ab'endhu yange, era n'andeetera okukakata ku kityamo eky'obwakyabazinga, nga bwe yasuubiza. Ndayira nti bwenebwene olwaleero Adoniya aidha kwitibwa.”

1 Ebyomubyanda 17:27

Era mpegaano siima okugha enkabi ab'endhu yange nze omugheereza wo, beeyongerenga okuba abagonzi y'oli enaku dhoonadhoona, kuba iwe Musengwa Katonda b'ogha enkabi, baba ba nkabi ebyanda n'ebyanda.”

Zabbuli 21:4

Yakusaba obulamu waabumugha, waamugha obughangaazi obw'ebyanda n'ebyanda.

Zabbuli 21:6

Bwenebwene omugha enkabi ebyanda n'ebyanda era musangaavu inho olw'okuba oli naye.

Zabbuli 72:17

Eriina lya kyabazinga liidhukirwenga ebyanda n'ebyanda. Obumanhifu bwe busigalegho ng'oti ndhuba. Abantu abamaghanga goonagoona bamwetenga wa nkabi, era basabenga Katonda okubafuula ab'enkabi oti ni kyabazinga oyo.

Ensambo 25:5

Mu nsambo n'endala, n'ababi bali n'okutoolebwa aghali kyabazinga, memale obufuzi bwe bwajiira ku butuufu.