1 Bakyabazinga 2:44 - Baibuli Ekibono kya Katonda 2014

⁴⁴ Kyabazinga era yaakoba Shimei ati: “Oidhi bukalamu mu mwoyo gwo ebibi byonabyona bye wakola lata wange Daudi. Kale Musengwa Katonda ky'anaava n'akubonereza.

1 Bakyabazinga 2:44 ပူးပေါင်းရင်းမြစ်များ

1 Bakyabazinga 2:43

Kale, lwaki totuukiriiza kye walayira mu Musengwa Katonda, era lwaki omenhie ekiragiro kye nakulagira?”

2 Bakyabazinga 11:1

Agho Athalia inhina wa kyabazinga Ahazia bwe yabona nga mutabane we oyo bamwise, yaasituka, yaazikiriza ab'oku lulyo olulangira boonaboona.

2 Bakyabazinga 11:12

Agho Yehoiada yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka. Agho baasiiga Yoashi omuzigo, baamufuula kyabazinga, era baakuba mu ngalo nga bwe bakoba bati: “Kyabazinga ghangaala!”

Zabbuli 109:20

Wo Musengwa Katonda, otyo bw'obe obonereze abazigu bange abo abandhogeraku obubi.

Zabbuli 7:16

Entegeka dhe edh'okukola ebibi dhimwiriraku mwene, era obukambwe bwene bw'akozesa n'obumutaaku enguma.

Ensambo 5:22

Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.

Ezekieli 17:19

Musengwa Katonda kyava n'akoba nti: “Bwenebwene ndayira nti nga bwendi omulamu, ndimwesasulizaaku olw'okunhoomoola kye yeeyama ye ndi, n'amenha endagaano yange.

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.

Yoanne 8:9

Bwe yabakoba atyo baatoolera okuvaagho mulala mulala ng'abakaire n'abatoolereza. Yesu yaasigala agho n'omukazi ng'akaayemereire agho.

Ab'e Roma 2:15

Ebikolwa byaibwe byoleka ng'Amateeka kye galagira kighandiikibwa mu myoyo gyaibwe. Kino emyoyo gyaibwe gyona gikikakasa nga kituufu, kuba ebidhuubo byaibwe, emikuzi egindi bibavunaana omusango ate emikuzi egindi bibawolereza.

1 Yoanne 3:20

Buli emyoyo gyaife lwe gitulumiriza, tumanha nga Katonda n'asinga emyoyo gyaife era ng'aidhi buli kintu.

1 Samueli 25:39

Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.