1 Bakyabazinga 2:33 - Baibuli Ekibono kya Katonda 2014

³³ Yoabu n'eizaire lye baidha kubonerezebwanga enaku dhoonadhoona, nga babalanga olw'okwita abantu abo. Aye Daudi n'eizaire lye era n'abasika be ku kityamo kye eky'obwakyabazinga, Musengwa Katonda aidha kubaghanga emiraala enaku dhoonadhoona.”

1 Bakyabazinga 2:33 ပူးပေါင်းရင်းမြစ်များ

Amainhama 42:22

Reubeni yaabakoba ati: “Nze tinabakoba nti omwana mutamukolaku kabi, aye imwe ni muloba kuwulira? Mpegaano kye tuva tuli kubonerezebwa olw'okufa kwe.”

2 Samueli 14:9

Omukazi yaakoba kyabazinga ati: “Isebantu kyabazinga, omusango ka gubenga ku nze ni ku b'endhu ya lata wange, aye iwe n'ab'omu kisaagaati kyo eky'obwakyazinga batabangaku musango naire.”

1 Bakyabazinga 2:32

Musengwa Katonda aidha kumubonereza ng'amulanga ebikolwa bye eby'ekitemo, kuba yaita abasaadha babiri nga lata wange Daudi taidhi. Abasaadha abo baali batuufu era nga bali n'ebisaanizo okumusinga, era nga ni bano: Abuneri mutabane wa Neri era omuduumizi w'eigye lya Isiraeli, ni Amasa mutabane wa Yetheri era omuduumizi w'eigye lya Buyudaaya.

1 Bakyabazinga 2:44

Kyabazinga era yaakoba Shimei ati: “Oidhi bukalamu mu mwoyo gwo ebibi byonabyona bye wakola lata wange Daudi. Kale Musengwa Katonda ky'anaava n'akubonereza.

1 Bakyabazinga 8:32

wuliranga ng'oli eyo mu igulu era olamulenga abagheereza bo. Era bonerezanga aliku omusango nga bw'agwaniire, ate weedheerezenga aziraku musango, omusasulenga ng'ojiira ku butuufu bwe.

2 Bakyabazinga 5:27

Kale ni endwaire ey'ebigenge eya Naamani eidha kukugema, era egemenga n'ab'eizaire lyo ebyanda n'ebyanda.” Gehazi yaja okuva aghaali Elisha ng'ali n'endwaire ey'ebigenge, nga mweru ng'oti mugozi.

1 Ebyomubyanda 17:27

Era mpegaano siima okugha enkabi ab'endhu yange nze omugheereza wo, beeyongerenga okuba abagonzi y'oli enaku dhoonadhoona, kuba iwe Musengwa Katonda b'ogha enkabi, baba ba nkabi ebyanda n'ebyanda.”

Zabbuli 101:8

Buli lunaku ndidha kuzikirizanga abakozi b'ebibi mu nsi, ndekeze ababi okubanga mu kibuga kya Musengwa Katonda.

Zabbuli 132:12

Ekyo kiribaagho kasita abaana bo abo bakuuma ndagaano, ni bagema n'ebiragiro byange bye mbalagira. Era boona, abaana abaibwe n'abaja okukusikiranga ku bwakyabazinga ebyanda n'ebyanda.”

Zabbuli 21:4

Yakusaba obulamu waabumugha, waamugha obughangaazi obw'ebyanda n'ebyanda.

Zabbuli 89:29

Obwakyabazinga bwe ndidha kubufuula bwa nsikirano ebyanda n'ebyanda; buja kubaagho ekiseera kyonakyona eigulu kye lirimala nga lirigho.

Ensambo 25:5

Mu nsambo n'endala, n'ababi bali n'okutoolebwa aghali kyabazinga, memale obufuzi bwe bwajiira ku butuufu.

Ezekieli 17:19

Musengwa Katonda kyava n'akoba nti: “Bwenebwene ndayira nti nga bwendi omulamu, ndimwesasulizaaku olw'okunhoomoola kye yeeyama ye ndi, n'amenha endagaano yange.

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

Matayo 27:25

Abantu boonaboona baakoba bati: “Omusaayi gwe gube ku ife ni ku baana baife.”

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

Ebikolwa by'Abatume 18:6

Bwe baamutakania ni bamuvuma, yaakunkumula ebivaalo bye yaakoba ati: “Bwe mulizikirira ogwo musango gwaimwe. Nze nziraku musango. Okuva ni buti ndidha kuja y'abamaghanga agandi.”

Abalamuzi 9:24

Ekyo kyaligho, Abimeleki n'abantu ab'e Shekemu abaamughaganga okwita batabane ba Gideoni ensanvu, beesasuuzibwe olw'omusango gwaibwe ogwo.