1 Bakyabazinga 2:27 - Baibuli Ekibono kya Katonda 2014

²⁷ Kale atyo Solomoni yaabinga Abiathari ku mulimo ogw'okuba kabona wa Musengwa Katonda. Mu nsambo eyo, yaatuukiriza Musengwa Katonda kye yakoba ku b'endhu ya Eli mu Shilo.

1 Bakyabazinga 2:27 ပူးပေါင်းရင်းမြစ်များ

1 Bakyabazinga 2:35

Agho kyabazinga yaataagho Benaia mutabane wa Yehoiada okuba omuduumizi ow'eigye mu kifo kya Yoabu. Era kyabazinga yaataagho Zadoki kabona mu kifo kya Abiathari.

1 Bakyabazinga 4:4

Benaia mutabane wa Yehoiada, n'eyali omuduumizi w'eigye. Zadoki ni Abiathari baali bakabona.

Zabbuli 78:60

Yaalekulira agho weema ye eyali mu Shilo mwe yabanga ng'ali mu bantu be abo.

Matayo 26:56

Aye bino byonabyona bibairegho okutuukiriza ebyo ebyaghandiikibwa abalanzi.” Agho Abeegeresebwa boonaboona baamuleka baalumuka.

Yoanne 12:38

Isaia omulanzi kye yakoba kyatuukirira, bwe yakoba ati: “Musengwa, naani eyaikiriza obukwenda bwaife? Naani Musengwa ye yayoleka amaani ge?”

Yoanne 19:24

Abaisirukale baakoba bati: “Tutagikanula aye tugikubeku akalulu tubone anaaba mwene yo.” Era baisania. Kino kyabaagho era okutuukiriza Ebyaghandiikibwa ebikoba biti: “Baagabana ebivaalo byange, era baakuba akalulu ku kidhuuba kyange.” Era ekyo abaisirukale kye baakola.

Yoanne 19:28

Ebyo bwe byawa, Yesu ng'akiidhi bukalamu ng'ebintu byonabyona biwoire, era olw'okwenda okutuukiriza Ebyaghandiikibwa yaakoba ati: “Mpulira endiwo.”

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

1 Samueli 22:20

Aye ku batabane ba Ahimeleki, mutabane wa Ahitubu, kwaliku mulala eyalumuka n'awona nga bamweta Abiathari, yaaja yeeyimba ku Daudi.