1 Bakyabazinga 2:26 - Baibuli Ekibono kya Katonda 2014

²⁶ Kyabazinga Solomoni yaakoba Abiathari kabona ati: “Ja mu kyalo kyo mu Anathothi. Ogwaniire okwitibwa, aye tiidha kukwita mpegaano, kuba walabiriranga Esanduuku ya Musengwa Katonda ey'Endagaano, bwe wali ni lata wange Daudi, era waabanga ghalala naye mu bizibu bye byonabyona.”

1 Bakyabazinga 2:26 ပူးပေါင်းရင်းမြစ်များ

2 Samueli 12:5

Agho obusungu bwa Daudi bwatumbukira ku muntu oyo ng'oti muliro. Yaakoba Nathani ati: “Ndayira Musengwa Katonda omulamu nti omuntu eyakola ekintu ekyo agwaniire kufa.

1 Bakyabazinga 1:25

Olwaleero luno lwene, ajiire yaaghaayo bino ng'omusengo: ente enume, ente entototo empiite ensavu n'entaama. Era ayese batabane bo boonaboona, ni Yoabu omuduumizi w'eigye, ni Abiathari kabona. Era bali eyo bali kulya era baanhwera mu maiso ge, nga bwe bakoba bati, ‘Ghangaala, kyabazinga Adoniya!’

1 Bakyabazinga 1:7

Adoniya oyo yaayogera ni Yoabu mutabane w'omukazi ayetebwa Zeruia, era yaayogera ni Abiathari kabona, era abo bombi baamughagira era baamubeera.

1 Bakyabazinga 2:35

Agho kyabazinga yaataagho Benaia mutabane wa Yehoiada okuba omuduumizi ow'eigye mu kifo kya Yoabu. Era kyabazinga yaataagho Zadoki kabona mu kifo kya Abiathari.

Isaia 10:30

Mwasiikane imwe ab'e Gallimu! Muntegere kutu imwe ab'e Laisha! Mundhiremu imwe ab'e Anathothi!

Yeremia 1:1

Bino n'ebibono Yeremia bye yayogera. Yeremia oyo yali mutabane wa Hilikia, eyali owundi ku bakabona ab'e Anathothi mu kiketezo kya Benjamini.

Matayo 10:42

Era yeenayeena aligha omulala ku bato bano olwendo olw'amaadhi amainhogovu okunhwa, olw'okuba Mwegeresebwa wange, bwenebwene mbakobera nti taliroba kufuna mpeera ye.”

Luka 22:28

“Imwe mugumye mwaba ninze mu byonabyona ebituyuguumiiza.

Ab'e Galatia 3:4

Okubita kwaimwe mu bintu ebingi bityo, bwene kwali kudaagira bwereere? Aye tirowooza nga bwene kwali kudaagira bwereere!

Yoshua 21:18

Anathothi, ni Alumoni, nga babagheeraku n'ebiketezo omuli eisubi ery'okwayirangamu.

1 Samueli 2:32

Agho ng'oli mu nnaku olibona ebirungi Abaisiraeli bye balifunanga, ensaalwa yaakugema. Mu ndhu yo timuja kubaamu muntu mukaire enaku dhoonadhoona.

1 Samueli 26:16

Ekyo ky'okoze ti kirungi. Nga Musengwa Katonda bw'ali omulamu ogwaniire kufa, kuba tokuumye musengwa wo, Musengwa Katonda ye yasiiga omuzigo. Mpegaano eifumo lya kyabazinga n'ekidoome eky'amaadhi ebibaire gha mutwe gwe biri gha?”