1 Bakyabazinga 2:24 - Baibuli Ekibono kya Katonda 2014

²⁴ Ndayira Musengwa Katonda omulamu eyampa obwakyabazinga bwa lata wange Daudi, nze n'ab'endhu yange, era n'andeetera okukakata ku kityamo eky'obwakyabazinga, nga bwe yasuubiza. Ndayira nti bwenebwene olwaleero Adoniya aidha kwitibwa.”

1 Bakyabazinga 2:24 ပူးပေါင်းရင်းမြစ်များ

2 Samueli 12:10

Kale ni mu b'endhu yo timuja kulekera kubangamu aitibwa, kuba onnhoomye nze waatwala muka Uria Omuhitti waamufuula mukazi wo.’

2 Samueli 7:27

Wo Musengwa Katonda iwe Afuga Amagye, Katonda wa Isiraeli, nze omugheereza wo ngumye naakusaba ebintu ebyo, olw'ebyo by'ondholeike ng'okoba oti, olisikiza abaana n'abaidhukulu abange ku bwakyabazinga.

1 Bakyabazinga 1:29

Kyabazinga yaalayira ati: “Ndayira mu Musengwa Katonda omulamu eyamponia buli kabi koonakoona,

1 Bakyabazinga 1:46

Solomoni buti ni kyabazinga.

1 Bakyabazinga 1:52

Solomoni yairamu ati: “Bw'aneebisa obukalamu, ghazira luviiri waire olulala lwe baidha kwigha mu mutwe gwe. Aye bwe balimuzuula nga yeebisa bubi, balimwita.”

1 Bakyabazinga 10:9

Musengwa Katonda wo asaakibwe, eyayoleka nga bw'akusiimye, n'akufuula kyabazinga wa Isiraeli. Musengwa Katonda oyo agonza inho Isiraeli, kyeyava n'akufuula kyabazinga, olamulenga mu mazima ni mu butuufu.”

1 Ebyomubyanda 17:10

mu biseera bye nateeragho abalamuzi abaakulemberanga abantu bange Abaisiraeli. Ndidha kukuwonianga okulumbibwa abazigu bo boonaboona. N'ekindi, nze Musengwa Katonda nkukoba nti ndikwaliza abaana n'abaidhukulu.

1 Ebyomubyanda 17:17

Ate nga ekyo kyali kintu kitono inho ku iwe Katonda wange, kuba era osuubiiza bingi ku izaire lyange mu biseera eby'omu maiso. Era ebyo, iwe Musengwa Katonda wange obyoleike nze omuntu obuntu naabimanha.

1 Ebyomubyanda 17:23

“Wo Musengwa Katonda wange, mperaano ni kuumanga ekyo ky'osuubiiza nze omugheereza wo n'ab'endhu yange era okituukirizenga ebyanda n'ebyanda.

1 Ebyomubyanda 22:10

Oyo n'alinzimbira eisinzizo okumpeesa ekitiisa. Aliba mwana wange, ate nze naaba lata we. Era ndireetera ekityamo kye eky'obwakyabazinga okukakata mu Isiraeli ebyanda n'ebyanda.’ ”

1 Ebyomubyanda 29:23

Kale Solomoni yaatyama ku kityamo eky'obwakyabazinga Musengwa Katonda kye yataagho, yaaba kyabazinga mu kifo kya lata we Daudi. Ebintu byajiiranga Solomoni oyo bukalamu, era eighanga Isiraeli lyamugonderanga.

Zabbuli 127:1

Musengwa Katonda mwene bw'atazimba ndhu, abagizimba badaagira bwereere; Musengwa Katonda mwene bw'atakuuma kibuga, omukuumi amogera bwereere.

Okuvaayo 1:21

Era olw'okuba abazaalisa abo baali batya Katonda, Katonda yaabagha buli muntu okuba n'ab'omu maka ababe ku bubwe.

Ensambo 20:2

Kyabazinga bw'asungughala atiisa ng'oti n'empologoma eri kuwologoma; era ole yeenayeena amusonsoonia aba anoonia kufa.

1 Samueli 25:28

Nkweghembye nsonigha nze omugheereza wo omukazi bye nsobiiza. Bwenebwene Musengwa Katonda aidha kukugha obwakyabazinga obutaja kuvaagho, kuba, iwe musengwa wange, niiwe olwana entalo dha Musengwa Katonda oyo. Era tibalikwagaanamu kibi, obulamu bwo bwonabwona.