1 Bakyabazinga 2:10 - Baibuli Ekibono kya Katonda 2014

¹⁰ Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

1 Bakyabazinga 2:10 ပူးပေါင်းရင်းမြစ်များ

2 Samueli 5:7

Aye ate Daudi oyo yaagema ekifo kyaibwe eky'okwewogomamu eky'e Sioni, ekyo kyafuuka “Ekibuga kya Daudi.”

2 Samueli 5:9

Agho Daudi yaaba mu kifo ekyo eky'okwewogomamu, yaakituuma eriina “Ekibuga kya Daudi.” Yaazimba ku kifo ekyo ekibuga okukyezunguluza, ng'aviira mu kifo kye baidhuzaamu eitaka olw'okwekuuma abazigu, ekyayetebwanga Millo, yaaja ng'aira munda.

2 Samueli 7:12

Enaku dho bwe dhiriwaaku n'ofa, n'oja okweyimba ku badhaadha bo abaafa, ndikusikiza omulala ku baana bo beene be weezaalira, naamutaagho okuba kyabazinga era naaleetera obwakyabazinga bwe okukakata.

1 Bakyabazinga 1:21

Bw'otaakole otyo, kiidha kuba nti iwe musengwa wange kyabazinga olulimala okufa ni weeyimba ku badhaadha bo, nze ni mutabane wange tuja kubalirwa mu bantu ababi.”

1 Bakyabazinga 11:21

Agho Hadadi bwe yawulira ng'ali e Misiri ati, Daudi afiire era nga ni Yoabu omuduumizi w'eigye yeena afiire, yaakoba kyabazinga w'e Misiri ati: “Ndeka nje, ndhireyo mu nsi y'ewaife.”

1 Bakyabazinga 11:43

Agho Solomoni oyo yaafa yeeyimba ku badhaadha be abaafa, yaaziikibwa mu kyetebwa Ekibuga kya Daudi lata we. Mutabane we Rehoboamu yaamusikira ku bwakyabazinga.

1 Bakyabazinga 14:31

Rehoboamu yaafa, yeeyimba ku badhaadha be abaafa. Yaaziikibwa mu lwambiidhi lwa badhaadha be abo, mu kyetebwa Ekibuga kya Daudi. Inhina wa Rehoboamu yali ng'ayetebwa Naama, era nga Muammoni. Mutabane wa Rehoboamu oyo eyayetebwanga Abiyamu, n'eyasikira ise oyo ku bwakyabazinga.

1 Bakyabazinga 15:24

Agho Asa oyo yaafa, yeeyimba ku badhaadha be abaafa, era yaaziikibwa mu badhaadha be abo, mu kyetebwa Ekibuga kya Daudi dhaadha we. Mutabane we Yehoshafati, yaamusikira ku bwakyabazinga.

1 Bakyabazinga 15:8

Agho Abiyamu oyo yaafa, yeeyimba ku badhaadha be abaafa, era yaaziikibwa mu kyetebwa Ekibuga kya Daudi. Mutabane we Asa yaamusikira ku bwakyabazinga.

1 Bakyabazinga 22:51

Mu mwaka ogweikumi n'omusanvu (17) ogwa kyabazinga Yehoshafati nga n'afuga Buyudaaya, Ahazia yaafuuka kyabazinga wa Isiraeli, era yaafuga okumala entangama ya myaka ebiri mu Samaria.

1 Bakyabazinga 3:1

Agho Solomoni yaaleetagho enkolagana ni kyabazinga w'e Misiri, ng'abayiza mughala wa kyabazinga oyo. Era Solomoni yaaleeta omughala oyo mu kyetebwa Ekibuga kya Daudi, okutuusa lwe yamala okwezimbira endhu n'ekisaagaati kyaku ekikye, n'eisinzizo lya Musengwa Katonda, n'ekimante okwezungulula ekibuga Yerusalemu.

1 Bakyabazinga 8:1

Agho kyabazinga Solomoni yaayeta abakulembeze boonaboona ab'omu Isiraeli, abakulu b'ebika n'abakulu b'enda dh'abantu, okwidha y'ali e Yerusalemu, baje batoole Esanduuku ey'Endagaano ya Musengwa Katonda mu kyetebwa Ekibuga kya Daudi, ekyo nga ni Sioni.

2 Bakyabazinga 14:20

Omulambo gwe baaguleetera ku mbalaasi, baamuziika mu Yerusalemu mu lwambiidhi lwa badhaadha be, mu kyetebwa Ekibuga kya Daudi.

2 Bakyabazinga 15:38

Agho Yothamu yaafa yeeyimba ku badhaadha be abaafa, era yaaziikibwa mu badhaadha be abo, mu kyetebwa Ekibuga kya Daudi dhaadha we. Mutabane we Ahazi yaamusikira ku bwakyabazinga.

2 Bakyabazinga 16:20

Agho Ahazi yaafa yeeyimba ku badhaadha be abaafa, era yaaziikibwa mu badhaadha be abo mu kyetebwa Ekibuga kya Daudi. Mutabane we Hezekia yaamusikira ku bwakyabazinga.

2 Bakyabazinga 8:24

Kale Yehoramu yaafa yeeyimba ku badhaadha be abaafa, era yaaziikibwa mu lwambiidhi ni badhaadha be abo, mu kyetebwa Ekibuga kya Daudi. Mutabane we Ahazia yaamusikira ku bwakyabazinga.

2 Bakyabazinga 9:28

Abagheereza be baamutwalira mu kigaali eky'omu lutalo, baamwizaayo e Yerusalemu. Baamuziika mu magombe ge mu lwambiidhi lwa badhaadha be, mu kyetebwa Ekibuga kya Daudi.

1 Ebyomubyanda 11:7

Agho Daudi yaaja yaaba mu kifo ekyo eky'okwewogomamu, kyebaava ni bakituuma eriina “Ekibuga kya Daudi”.

1 Ebyomubyanda 29:28

Yaafa ng'aghangaire inho, nga mukaire mwenemwene, nga mukombe, era nga wa kitiibwa. Mutabane we Solomoni yaamusikira ku bwakyabazinga.

2 Ebyomubyanda 24:16

Baamuziika mu kyetebwa Ekibuga kya Daudi, mu lwambiidhi lwa bakyabazinga, kuba yali akoleire Katonda n'eisinzizo lye ebirungi mu Isiraeli.

2 Ebyomubyanda 9:31

Agho Solomoni oyo yaafa yeeyimba ku badhaadha be abaafa, yaaziikibwa mu kyetebwa Ekibuga kya Daudi lata we. Mutabane we Rehoboamu yaamusikira ku bwakyabazinga.

Ebikolwa by'Abatume 13:36

Kuba Daudi yamala okukola emirimo gye yamutegekera mu bulamu bwe, yaafa, yaaziikibwa aghali badhaadha be, yaavunda.

Ebikolwa by'Abatume 2:29

“Baganda bange, ndidha kwogera ku dhaadha Daudi nga titya. Yafa yaaziikibwa n'amagombe ge gali ghano n'okutuusa olwaleero.