1 Bakyabazinga 19:4 - Baibuli Ekibono kya Katonda 2014

⁴ aye mwene yaatambula mu irungu olugendo lwa lunaku lulamba, yaaja yaatyama ghansi gh'omuti ogw'ekyeyo, yaasaba afe ng'akoba ati: “Wo Musengwa Katonda bye mboine bimala! Twala obulamu bwange mpegaano, kuba ghazira kye nsinga badhaadha bange!”

1 Bakyabazinga 19:4 ပူးပေါင်းရင်းမြစ်များ

1 Bakyabazinga 13:14

Yaalumuukirira omulanzi ole, yaamwagaana ng'atyaime ghansi gh'omuti omukologho. Yaamubuuza ati: “Niiwe omulanzi eyaviire mu Buyudaaya.” Ole yaamwiramu ati: “Ninze.”

1 Bakyabazinga 19:3

Agho Eliya yaatya, yaasituka yaalumuka okuwonia obulamu bwe. Yaaja e Beerisheba eky'omu Buyudaaya. Yaaleka eyo omugheereza we,

1 Bakyabazinga 19:5

Yaalambaala ghansi gh'omuti ogwo ogw'ekyeyo, endoolo dhaamugema. Yaja okubona nga malaika amusiinhaku, ng'amukoba ati: “Situka olye.”

2 Bakyabazinga 2:11

Bwe baali nga bakaatambula nga bwe baghaya, amangu ago ghaidhagho ekigaali eky'omu lutalo eky'omuliro n'embalaasi edh'omuliro, byayawula buli muntu ku mwine, Eliya yaatwalibwa ghaigulu ng'ali mu mpewo eyeezungulula n'amaani.

Yobu 6:8

“Ngoli Katonda awulira kye nsaba, era n'ampa kye neegomba

Yobu 6:9

Ngoli aganha okuuniantula, n'andhita!

Yeremia 20:9

Bwe nkoba mule nti: “Ka ndobe kwogera mu liina lya Musengwa Katonda oba waire okumwogeraku obwogere,” obukwenda bwo buba ng'oti muliro oguli kwakira munda mu nze. Era bumbitiriireku tikaasobola kubufuga.

Amosi 6:2

Muje mukyalireku ekibuga Kalune. Era mukyalireku ni Hamathi ekikologho, era mutuukeku ni mu ky'e Gathi eky'abafilisiti. Ebibuga ebyo n'ebisinga obwakyabazinga bwa Isiraeli n'obwa Yuda mu bulungi n'obugazi?

Yona 4:3

Wo Musengwa Katonda, nkusaba otwale obulamu bwange, kuba mboine ng'okufa kusinga okuba omulamu.”

Yona 4:8

Endhuba bwe yavaayo akasana kaidha, Katonda yaatuma empewo ensu ng'eva ku luuyi olw'e buvandhuba, akasana kaayokya Yona mu mutwe kata azirike yeegomba okufa. Yaakoba ati: “Okufa kusinga okuba omulamu!”

Nahumu 3:8

Nineve, niiwe osinga Thebesi, ekibuga ekikulu mu Misiri? Kyali ku Mwiga Kiyira ng'amaadhi gakyezungulwire. Ng'enhandha yakitaaku ekigo, ng'amaadhi gali ng'oti n'ebimante eby'ekigo ekyo.

Okubala 11:15

Bw'oba ng'otyo bw'oidha okumbisanga, mala gansaasira ondhite mangu mpegaano, ndobe kutuuka ku kudaagadaaga.”

Matayo 6:26

Mubone enhonhi tidhirima mere, tidhikungula, tidhitereka mu byagi, aye Iseimwe ali mu igulu adhigha okulya! Imwe timuli ba mughendo y'ali okusinga enhonhi?

Yoanne 4:6

Agho n'aghaali ensulo eyali emanhiibwa nga ensulo ya Yakobo. Kale Yesu eyali akooye n'olugendo yaatyama agho ku nsulo. Esaawa dhaali nga mukaaga.

Ab'e Roma 3:9

Kale ife Abayudaaya tuli ni kye tusinga abamaghanga agandi? Busa, tuzira kye tubasinga kuba mmaze okubalaga nti Abayudaaya n'abamaghanga agandi boonaboona bafugibwa ekibi,