1 Bakyabazinga 19:21 - Baibuli Ekibono kya Katonda 2014

²¹ Agho yaasooka yaaleka eby'okunonereza Eliya, yairayo, yaagema ente dhe yali ali kulimisa, yaadhiita. Yaafumba emamba yaadho ng'akozesa ebikoligo byadho ng'enku, yaagigabula abantu baalya. Ebyo bwe byawa, Elisha yaaja yaabanga ewa Eliya ng'amugheereza.

1 Bakyabazinga 19:21 ပူးပေါင်းရင်းမြစ်များ

2 Samueli 24:22

Arauna yaakoba kyabazinga ati: “Niiwe Isebantu kyabazinga, toola kyonakyona ky'obona nga kirungi, okigheeyo. Ente dhiidho edh'okughaayo ng'ekigheebwayo ekyokebwa, n'ekiti ekibairenga kikozesebwa okumulungula engaano kiikyo, era n'emiti egibaire egy'ebikoligo by'ente, gikozese ng'enku.

1 Bakyabazinga 18:43

Yaakoba omugheereza we ati: “Ja ghaigulu olinge ku luuyi olw'enhandha.” Omugheereza yaaja ghaigulu yaalingayo. Yaakoba ati: “Ezirayo kintu.” Eliya yaamukoba ati: “Irayo emikuzi musanvu.”

2 Bakyabazinga 2:3

Agho ekikunsu eky'abalanzi abaali e Betheli baidha ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 3:11

Yehoshafati kyabazinga wa Buyudaaya yaabuuza ati: “Ghano ghaziraghooku mulanzi wa Musengwa Katonda, ye tusobola okubitamu ni twebuuzaaku ku Musengwa Katonda?” Agho owundi ku bagheereza ba kyabazinga wa Isiraeli yairamu ati: “Elisha mutabane wa Shafati eyali omugheereza wa Eliya, aligho ghano.”

Okuvaayo 24:13

Kale Musa yaasituka ni Yoshua eyamuyambangaku, era Musa yaaniina ku lusozi lwa Katonda.

Ebikolwa by'Abatume 13:5

Nga bali e Salami baayegeresa ekibono kya Katonda mu sinagoga edh'Abayudaaya, era nga baali ni Yoanne eyabayambangaku.

2 Timotheo 4:11

Ghano ndigho ni Luka yenka. Yagala Mariko gh'ali oidhe naye kuba anhamba inho mu kugheereza.

Filemoni 1:13

Nandyenze inho mmusigaze ghano ninze, anhambe mu kifo kyo nga ndi mu busibe buno bwe ndimu olw'Amawulire Amalungi.

1 Samueli 6:14

Ekigaali kyaidha kyatuuka mu musiri ogw'omuntu ayetebwa Yoshua ow'e Bethi Shemeshi, kyayemerera agho kumpi n'eibaale eikologho. Abantu baayasaaga emiti egy'ekigaali, baaghaayo ente edho ng'ekigheebwayo ekyokebwa eri Musengwa Katonda.