1 Bakyabazinga 19:2 - Baibuli Ekibono kya Katonda 2014

² Agho Yezebeli yaatuma omukwenda y'Eliya, ng'akoba ati: “Emisambwa gigwananga gyambonereza n'obukambwe, bwe bunaatuuka enkyo mu kiseera nga kino nga nkaali kukwita, ng'oti niiwe bwe waise abantu abo.”

1 Bakyabazinga 19:2 ပူးပေါင်းရင်းမြစ်များ

2 Samueli 19:13

Kyabazinga Daudi era yaakoba Zadoki ni Abiathari ati: “Era mukobe Amasa muti, ‘Iwe ow'omusaayi ogwange gwene, okuva ni mpegaano bw'otaafuuke muduumizi wa igye lyange mu kifo kya Yoabu, Katonda agwananga yambonereza inho.’ ”

2 Samueli 3:9

Kale ni Katonda agwananga yambonereza inho, Nze Abuneri, bwentatuukirizanga ekyo Musengwa Katonda kye yalayirira Daudi,

1 Bakyabazinga 2:23

Agho kyabazinga Solomoni yaalayira mu Musengwa Katonda ati: “Adoniya bw'ataitibwe olw'ekyo ky'asabye, Katonda agwananga yambonereza inho.

1 Bakyabazinga 2:28

Amawulire ago bwe gaatuuka ku Yoabu, yaalumukira mu Weema ey'Okwagaananirangamu ni Musengwa Katonda, yeegema ku bintu ebiri ng'oti mayiga ga nsolo, ebiri ku alutaari. Yoabu yatya, kuba yeeyimba ni Adoniya, waire nga tiyeeyimbaku na Abusalomu.

1 Bakyabazinga 20:10

Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

2 Bakyabazinga 19:22

Olowooza oti naani y'ovumye era y'odhooze? Naani y'okaabukiire era y'oziimwire? Ninze Omutukuvu wa Isiraeli!

2 Bakyabazinga 6:31

Kyabazinga oyo yaakoba ati: “Katonda agwananga yambonereza n'obukambwe, Elisha mutabane wa Safati bwe bataamutemeku mutwe olwaleero.”

Okuvaayo 10:28

Era yaakoba Musa ati: “Nva mu maiso! Era toirangayo kwidha ye ndi, kuba bwendikubona nga kabiri oize, ku olwo lw'olifa.”

Okuvaayo 15:9

Omuzigu yaakoba mule ati, ‘Ka mbabinge ndidha kubaagaana, ndidha kubatoolaku omunhago nga bwe naaba nhenze; ndidha kutoolayo empiima yange mbazikirize.’

Ensambo 27:1

Oteesuutanga lw'ebyo by'onaakola lwaidho, kuba toidhi lunaku bye lunaakya nabyo.

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 26:21

Kyabazinga Yehoiakimu n'abalwani be ab'amaani, ghalala n'abakungu be, bwe baawulira Uria oyo bye yakoba, kyabazinga yaayenda okumwita. Aye ekyo Uria yaakimanhaku era yaatya inho, kale yaalumukira e Misiri okwewonia.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Ruthi 1:17

Mu kifo mw'olifiira zeena mwe ndifiira, era eyo ye balinziika. Musengwa Katonda ampanga ekibonerezo ekisembayo kuba kibi, bwenganhanga ekintu kyonakyona ni kintoola ku iwe, ni bwe kuliba okufa.”