1 Bakyabazinga 19:15 - Baibuli Ekibono kya Katonda 2014

¹⁵ Musengwa Katonda yaamukoba ati: “Irayo mu irungu ery'e Damasiko. Bw'onaatuukayo, oidha kusiiga Hazaeli omuzigo afuuke kyabazinga wa Siria,

1 Bakyabazinga 19:15 ပူးပေါင်းရင်းမြစ်များ

Amainhama 14:15

Yaayawula amagye ge mu bikunsu, baalumba abazigu obwire era baabaghangula. Era baababingirira okubatuusa e Hoba, ekiri ku luuyi olw'omukono omugooda ng'olingiriire e buvandhuba, bw'oba ng'oli e Damasiko.

2 Bakyabazinga 8:28

Kyabazinga Ahazia oyo yaja mu lutalo ni kyabazinga Yoramu owa Isiraeli mutabane wa Ahabu, okulwanisa kyabazinga Hazaeli owa Siria. Olutalo olwo lwataamira e Ramothi Gileadi, Abasiria baafumitira eyo Yoramu ebibwa.

2 Bakyabazinga 9:14

Agho Yehu mutabane wa Yehoshafati era mwidhukulu wa Nimushi yaakola olukwe okwita Yoramu. Mu kiseera ekyo, Yoramu n'Abaisiraeli boonaboona baali nga bali kukuuma Ramothi Gileadi kirobe kunhagibwa Hazaeli, kyabazinga wa Siria.

Isaia 45:1

Musengwa Katonda yalonda kyabazinga Kuro, yaamutuma okughangula amaghanga, n'okutoola ku bakyabazinga obukumu. Musengwa Katonda alimwiguliragho emiryango gy'ebibuga, ghaaloba kubaagho agiigalagho. Musengwa Katonda akoba Kuro oyo ati:

Yeremia 1:10

Olwaleero luno, nkugemiisa amaghanga n'obwakyabazinga, oiwululengagho era omenhemenhenga, ozikirizenga era osaaniengagho ozimbenga era osimbenga.”

Amosi 1:4

Kale nja kusindika omuliro gwokye ekisaagaati kya kyabazinga Hazaeli, era gusenkeenhe ebifo byonabyona eby'okwewogomamu ebya kyabazinga Benihadadi.