1 Bakyabazinga 19:14 - Baibuli Ekibono kya Katonda 2014

¹⁴ Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 19:14 ပူးပေါင်းရင်းမြစ်များ

1 Bakyabazinga 18:22

Agho Eliya yaakoba abantu ati: “Ninze zenka omulanzi wa Musengwa Katonda akaasigairegho, aye abalanzi ba Baali bali ebikumi bina n'ataanu.

1 Bakyabazinga 18:30

Agho Eliya yaakoba abantu boonaboona ati: “Museete ghano ghe ndi.” Abantu boonaboona baaseeta gh'ali. Yaazimba buyaaka alutaari ya Musengwa Katonda eyali emenheibwagho.

Zabbuli 78:37

Baali nga tibasobola kugumira ku Katonda, era nga tibatuukiriza ebyo ebiri mu ndagaano ye.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 62:1

Ku lwa Sioni nze tiidha kusirika, ku lwa Yerusalemu tiidha kuwuumula naire, okutuusa nga kimaze okununulwa, n'obughanguzi bwakyo bwayaka ng'oti muliro.

Yeremia 22:9

Agho baamala beiramu bati, ‘Lwa kuba abantu baakyo baava ku ndagaano ye baakola ni Musengwa Katonda waibwe, baaja baasinza era baagheereza bakatonda abandi.’ ”

Danieli 11:30

kuba abantu ab'e Rom balimwidhira nga bali mu maato, yaatya era yaaloba kweyongerayo. “Agho alikyuka okwirayo, yaamalira obusungu bwe ku kulekeza bantu kusinza Katonda, ng'ajiira ku magezi g'abo abaava eira ku kusinza Katonda.

Danieli 3:18

Aye Katonda waife ni bw'aba nga taakole atyo, twenda okukumanhisa, iwe Isebantu kyabazinga, nga tituja kugheereza bakatonda bo waire okusinza ekiwumbe kya zaabu kye wataagho.”

Hosea 6:7

“Aye boona okufaananaku ni Adamu baamenha endagaano ye nakola nabo, baaloba kuba beesigwa ye ndi.

Ab'e Roma 11:3

“Musengwa, baise abalanzi bo, baakontakonta alutaari dho. Ninze zenka nsigairegho era zeena bali kundhagala benda kundhita.”

Amateeka Agokubiri 29:25

Abantu baidhanga kwiramu bati, ‘Lwa kuba baamenha endagaano ya Musengwa Katonda wa badhaadha baibwe, ye yakola nabo bwe yabatoola mu Misiri.

Amateeka Agokubiri 31:20

kuba mpegaano ndi kuja kubaingiza mu nsi engimu era erimu ebirungi kamaala ye nasuubiza badhaadha baibwe. Aye bwe balimala okulya ni baiguta era ni bageedha, balinvaaku baira ku misambwa baagisinza, nze bankyagha era baamenha endagaano yange.

Abaheburayi 8:9

Teriba oti n'endagaano ye nakola ni badhaadha baibwe, ku lunaku lwe nabagema ku mukono okubatoola mu nsi Misiri; kuba tibaakalangukira ku ndagaano ye nakola nabo. Zeena kyenava ni ndekayo okubafaaku.