1 Bakyabazinga 19:12 - Baibuli Ekibono kya Katonda 2014

¹² Musisi bwe yalekera, ghaabaagho omuliro. Aye Musengwa Katonda nga tali mu muliro ogwo. Omuliro bwe gwavaagho, ghaabaagho akamiro akatono akaghegheevu.

1 Bakyabazinga 19:12 ပူးပေါင်းရင်းမြစ်များ

Amainhama 15:17

Endhuba bweyamala okugwa enzikiiza ng'egemye, mangu ago agho ghaabonekagho olugyo oluliku amanda nga gali kunioka omwosi, era ghaabonekagho n'engada edhiri kwaka; bino byombi byabita ghagati gh'ebitundu bire eby'ensolo.

1 Bakyabazinga 18:38

Agho Musengwa Katonda yaasindika omuliro gwaika, gwayokya ekigheebwayo ekyo n'enku n'amabaale n'eitaka, era gwakaza amaadhi agaali mu lukokonko.

2 Bakyabazinga 1:10

Aye Eliya yairamu omusaadha oyo akulira abalwani amakumi ataanu, ati: “Oba nga ndi muntu wa Katonda, omuliro ka guve mu igulu gukwokye gukusaaniegho, iwe n'abaisirukale bo amakumi ataanu.” Era mu kiseera kyene ekyo, omuliro gwava mu igulu gwamusaaniagho n'abaisirukale be amakumi ataanu.

2 Bakyabazinga 2:11

Bwe baali nga bakaatambula nga bwe baghaya, amangu ago ghaidhagho ekigaali eky'omu lutalo eky'omuliro n'embalaasi edh'omuliro, byayawula buli muntu ku mwine, Eliya yaatwalibwa ghaigulu ng'ali mu mpewo eyeezungulula n'amaani.

Yobu 33:7

Kale otantya naire, tiidha kukubitiriraku.

Yobu 4:16

Naabona ekintu ekyemereire agho; naamoga inho, aye naaloba kukitegeera. Woonawoona nga ghaligho kasiriikiriro. Agho naawulira eiroboozi nga likoba liti,

Okuvaayo 3:2

Ghano malaika wa Musengwa Katonda yaamubonekera mu lulimi olw'omuliro nga luva mu kisaka ghagati. Musa yaalingirira ekisaka nga kigemye omuliro aye nga tikiri kusiriira.

Okuvaayo 34:6

Musengwa Katonda yaabita mu maiso ga Musa era yaalangirira ati: “Nze Musengwa Katonda, ninze Katonda asaasira era agemerwa abantu ekivunika, alwagho okusungughala, agonza abantu obutalekera era omwesigwa einho.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Ebikolwa by'Abatume 2:2

Mu kiseera ekyo kyene, ghaabaagho okuwuuma okuva mu igulu nga kuli ng'oti kwa kiwunga ow'amaani, era kwaidhuza endhu yoonayoona mwe baali batyaime.

Amateeka Agokubiri 4:15

Musa yaayongera okukoba Abaisiraeli ati: “Ku lunaku Musengwa Katonda lwe yayogera n'imwe ng'ali mu muliro ku lusozi Sinai, timwamubona nga bw'afaanana naire. Kale ni mwegendereze inho,

Amateeka Agokubiri 4:33

Ghalighooku abantu abaawuliraku amamiro ga Katonda nga gali kwogera mu muliro, aye ni basigala nga bakaali balamu, ng'oti niimwe?

Abaheburayi 12:29

kuba Katonda waife muliro gwene oguzikiriza.