1 Bakyabazinga 18:7 - Baibuli Ekibono kya Katonda 2014

⁷ Obadia bweyali mu ngira ng'ali kutambula, yaja okubona ng'ayagaanana n'Eliya. Obadia yaamutegeera nga n'Eliya, agho yaakuba amakiryaivu era yaakutama n'ekyeni kyatuuka ku itaka, ng'akoba ati: “Bwenebwene niiwe musengwa wange Eliya?”

1 Bakyabazinga 18:7 ပူးပေါင်းရင်းမြစ်များ

Amainhama 18:12

Sara yaaseka mule ng'akoba ati: “Buti nga mmaze okukairigha nti, era nga ni baze yeena mukaire atyo, mbo bwenebwene nnairayo okunhumirwa.”

Amainhama 18:2

Bwe yalinga ati, yaabona abasaadha basatu nga beemereire agho. Era olwababona ati, yaayangughaku okuja okubasangaaza. Agho yaakutama n'ekyeni kyatuuka ku itaka,

Amainhama 44:16

Yuda yaakoba ati: “Tunaakukoba ki musengwa? Tunaayogera ki? Oba tunaawoza tutya? Katonda ayoleike nga gutusinze. Mpegaano tuli bairu bo, musengwa, ife era n'oyo ayagaaniibwa n'ekikopo.”

Amainhama 44:20

Twakwiramu tuti, ‘Tuliyo n'iseife era nga mukaire, ni muganda waife omuto, eyazaalibwa nga iseife akairiighe. Muganda w'omwana oyo yafa, era oyo ni yenka asigairegho ku baana ba inhina, era ise amwenda inho.’

Amainhama 44:33

Kale ni musengwa wange, nkweghembye, nganha nze nsigale ghano nga ndi mwiru wo, mu kifo ky'omwisuka aye oleke omwisuka aireyo ni baganda be.

Amainhama 50:18

Agho baganda be era baidha, baamukubira amakiryaivu, baakoba bati: “Bona, tuli ghano, tuli bairu bo.”

2 Samueli 19:18

Baasomoka omwiga baghange okusomosa ab'endhu ya kyabazinga n'okukola kyonakyona kyabazinga kye yali ayenda kikolebwe. Kyabazinga Daudi bweyali ali kuja okusomoka omwiga Yorudani, Shimei mutabane wa Gera yeeyala ku itaka mu maiso ge,

1 Bakyabazinga 11:29

Lwali lulala mu kiseera ekyo, Yeroboamu ng'ali kutambulaku ng'ava e Yerusalemu, omulanzi Ahiya ow'e Shilo yaamwagaana mu ngira, olwo baaba nga bali bwa babiri bonka mu irungu. Ahiya yali avaire ekivaalo ekiyaaka.

1 Bakyabazinga 18:6

Kale baisania bombi ekitundu ky'ensi buli muntu ky'anaalambuula. Ahabu yaagema ku luuyi olundi, ni Obadia yaagema ku lundi.

1 Bakyabazinga 18:8

Eliya yaamwiramu ati: “Ninze. Ja okobere musengwa wo kyabazinga oti ndi ghano.”

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Okubala 12:11

yaakoba Musa ati: “Wo musengwa wange, otatubonereza, olw'ekyo kye tukoze mu busiru ni twonoona.

Matayo 11:8

Kale mwaja kubona ki? Muntu avaire madholobera? Abavaala amadholobera baba mu bisaagaati bya bakyabazinga.

Matayo 3:4

Yoanne ono, yali n'ekivaalo kye nga kya buviiri bwa ngamiya n'olukoba olw'oluwu mu nkende era emere ye yali nga nzige na mudheenene gwa mu nsiko.

1 Samueli 20:41

Omwisuka olwamala okuja ati, Daudi yaasituka okuva einhuma w'emungo ey'amabaale. Yaakutama n'ekyeni kyatuuka ku itaka emikuzi esatu, ng'ali ku makiryaivu. Agho baanhwegeragana bombi nga bwe balira, okutuusa Daudi bwe yamala n'aguma.