1 Bakyabazinga 18:5 - Baibuli Ekibono kya Katonda 2014

⁵ Agho Ahabu yaakoba Obadia ati: “Ja ku nsulo edh'amaadhi dhoonadhoona ni mu biiko. Oba katyo tunaayagaanayo eisubi, twawonia embalaasi n'enhumbu okufa, olwo tulobe kubaaku nsolo dhe tufiirwa.”

1 Bakyabazinga 18:5 ပူးပေါင်းရင်းမြစ်များ

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 18:6

Kale baisania bombi ekitundu ky'ensi buli muntu ky'anaalambuula. Ahabu yaagema ku luuyi olundi, ni Obadia yaagema ku lundi.

Zabbuli 104:14

Okuza eisubi olw'ente okulya era waakuza ebirime eby'omuntu, omuntu asobole okufuna emere ku nsi.

Yeremia 14:3

Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.

Yoeli 1:18

Wulira ensolo nga bwe dhirira! Ente dhisobeirwa olw'okubulwa eisubi ery'okulya. N'entaama dhoona dhiri kudaagadaaga.

Yoeli 1:20

N'ensolo edh'omu nsiko dhikulirira, olw'amaadhi agaakala mu miiga n'olw'eisubi eryakala mu byayiro ng'oti lye bookiikya omuliro.

Yoeli 2:22

Imwe ensolo edh'omu nsiko, mutatya, kuba eisubi lisibwike mu nsiko; emiti gibaze ebibala, emitiini n'emizabbibu gitaireku ebibala kamaala.

Amosi 4:8

Kale abantu ab'omu bibuga ebibiri oba ebisatu, baaja nga batambulatambula eyo batyo mu kibuga ekirala okufuna ku maadhi ag'okunhwa, aye nga ti gabamala. Aye era mwaloba okwira ye ndi.

Habakkuku 3:17

Waire emiti emitiini giroba okutaaku ebibala, n'emizabbibu gyaloba okubala, n'emyoliva gyona gyabulaku ekivaaku, ni mu misiri mwabulamu ekikungulwa, n'entaama n'embuzi dhoonadhoona ni dhifa, ni mu kigo eky'ente ni mubula akamoola,