1 Bakyabazinga 18:44 - Baibuli Ekibono kya Katonda 2014

⁴⁴ Ku mukuzi ogwomusanvu, omugheereza yaakoba ati: “Mboine, akale akatono akaaga ng'oti mukono gwa muntu, kali kusituka nga kava ku nhandha.” Eliya yaakoba omugheereza we ati: “Ja okobe kyabazinga Ahabu oti, ‘Tegeka ekigaali kyo eky'omu lutalo, oireyo eka ng'amaadhi gakaali kukulobera.’ ”

1 Bakyabazinga 18:44 ပူးပေါင်းရင်းမြစ်များ

1 Bakyabazinga 18:43

Yaakoba omugheereza we ati: “Ja ghaigulu olinge ku luuyi olw'enhandha.” Omugheereza yaaja ghaigulu yaalingayo. Yaakoba ati: “Ezirayo kintu.” Eliya yaamukoba ati: “Irayo emikuzi musanvu.”

Yobu 8:7

Ebintu bye wafiirwa mu kusooka byali bitono inho, bw'obigerangerania ku ebyo by'olifuna mu biseera eby'oluvainhuma.”

Mika 1:13

Imwe abantu ababa mu kibuga Lakishi musibe ebigaali byaimwe eby'omu lutalo ku mbalaasi dhaimwe mwetegeke. Mwakoopa ebibi eby'Abaisiraeli, mwaleetera ab'e Yerusalemu boona baababoneraku, baatoolera okukola ebibi n'ebirala ebyo.

Zekaria 4:10

Abo boonaboona ababaire bawoiremu amaani olw'okubona ng'ebintu biri kuja kasoobo, baja kusangaala nga baboine Zerubbabeli bw'ali kuja mu maiso n'okuzimba eisinzizo.”

Luka 12:54

Agho Yesu yaakoba abantu ati: “Bwe mubona ekire nga kisituka ku luuyi olw'e bugwandhuba, mukoba muti ganaagwa, era bwe kiba.

1 Samueli 6:10

Kale abantu baakola batyo. Baatoola ente ibiri edhikamwa baadhisiba n'ekikoligo ku kigaali eky'okutambuliramu, era baigaliza enhana dhaadho eka.

1 Samueli 6:7

Kale mpegaano mutegekeyo ekigaali eky'okutambuliraku ekiyaaka, mukisibeku ente ibiri edhikamwa, dhe batasibangaku kikoligo. Enhana dhaadho mudhidhitooleku, mudhiizeeyo eka.