1 Bakyabazinga 18:42 - Baibuli Ekibono kya Katonda 2014

⁴² Kale Ahabu yaaja okulya n'okunhwa. Ate Eliya yaaja ku ntwiko y'olusozi Karumeli, yaakutama ku itaka, yaata omutwe gwe mu bikiryaivu bye.

1 Bakyabazinga 18:42 ပူးပေါင်းရင်းမြစ်များ

Amainhama 24:52

Omugheereza wa Aburahamu bweyawulira bye bakobye yaakuba amakiryaivu, yaasinza Musengwa Katonda.

2 Samueli 12:16

Kale Daudi yaasabira omwana oyo eri Katonda, yaasiiba, era yangiranga mu ndhu yaalambaalanga ghansi obwire bwonabwona.

1 Bakyabazinga 18:41

Agho Eliya yaakoba kyabazinga Ahabu ati: “Ja olye, onhwe. Ndi kuwulira okuwuuma okw'amaadhi amangi agatoonha.”

1 Bakyabazinga 18:43

Yaakoba omugheereza we ati: “Ja ghaigulu olinge ku luuyi olw'enhandha.” Omugheereza yaaja ghaigulu yaalingayo. Yaakoba ati: “Ezirayo kintu.” Eliya yaamukoba ati: “Irayo emikuzi musanvu.”

1 Bakyabazinga 19:13

Eliya bwe yawulira akamiro ako, yeeghemba mu maiso ekivaalo kye, yaafuluma mu mpuku, yaayemerera ku mulyango gwayo. Olwo yaawulira amamiro nga gamukoba gati: “Eliya oli kukola ki ghano?”

Ezera 9:6

“Wo Katonda wange, nswaire inho era ensoni dhiri kungema okusitula amaiso ninge y'oli, iwe Katonda wange kuba ebibi byaife byebunze emungo etusinga n'obuleeyi, n'emisango gyaife gyebunga emungo etuuka ni ku igulu.

Yobu 37:11

Ekire ekigemu akiidhuza amaadhi, ebire byabunia woonawoona okumyansa kwe.

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Isaia 38:2

Agho Hezekia yaakyuka yaalinga eri ekimante, yaasaba Musengwa Katonda ng'akoba ati:

Isaia 6:2

Ghaigulu gha kyabazinga oyo, ghaali nga gheemereiregho ebitonde ebyetebwa serafimu, nga buli kirala kiri n'amaghagha mukaaga: abiri nga kigeeghembye mu maiso, abiri agandi kyageeghemba ku bigere, ate abiri agasigairegho kyagakozesa okuguluka.

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Danieli 9:3

Agho naakyukira eri Musengwa Katonda wange, naamusaba nga mweghemba, naasiiba, naavaala ekutiya, era naatyama mu ivu.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Matayo 14:23

Bwe yamala okusiibula abantu yaaja okusaba yenka eyo ku lusozi. Eigulo lyatuuka ng'ali eyo yenka.

Mariko 14:35

Bwe yeeyongerayooku katono, yaakuba amakiryaivu yaasaba ati oba kisoboka ekiseera ekyo kimubiteku.

Luka 6:12

Olwatuuka mu nnaku edho, Yesu yaaja ku lusozi okusaba, era yaakyesa obwire ng'asaba Katonda.

Ebikolwa by'Abatume 10:9

Ku lunaku olwairirira, bwe baali nga bakaali mu ngira era nga banaatera okutuuka mu kibuga, ku saawa nga mukaaga edh'omusana, Petero yaaniina ghaigulu ku nhumba okusaba Katonda.

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.

1 Samueli 12:18

Kale Samueli yeeghemba Musengwa Katonda. Musengwa Katonda yaaleetagho okutyabuka kw'olukuba era yaagwisa amaadhi ku lunaku olwo. Abantu boonaboona baatya inho Musengwa Katonda ni Samueli.