1 Bakyabazinga 18:33 - Baibuli Ekibono kya Katonda 2014

³³ Agho yaatindirira enku ku alutaari, yaasalasala mu nte, yaagita ku nku edho. Yaakoba ati: “Mwidhuze ensugha ina amaadhi, mumale mugafuke ku kigheebwayo ekyo ekyokebwa ni ku nku.” Baakola batyo.

1 Bakyabazinga 18:33 ပူးပေါင်းရင်းမြစ်များ

Amainhama 22:9

Bwe baatuuka mu kifo Katonda kye yali amaze okumukoberaku, Aburahamu yaazimba agho alutaari, yaayaliiraku enku. Agho yaasiba omwana we Isaaka yaamuta ku nku ku alutaari.

1 Bakyabazinga 18:34

Yaakoba ati: “Kabiri mukole mutyo omukuzi ogwokubiri.” Baakola batyo omukuzi ogwokubiri. Era yaakoba ati: “Kabiri mukole mutyo n'omukuzi ogwokusatu.” Era baakola batyo n'omukuzi ogwokusatu.

Danieli 3:19

Agho Nebukadinezzari yaasungughala ekibitiriire, yaatungulira Shaduraka, ni Meshaki, ni Abedinego, amaiso. Yaalagira bakume ekikoomi kigeigere emikuzi musanvu okusinga bwe kigeigeranga buliidho.

Danieli 3:25

Yaakoba ati: “Aye lwaki ndi kubona abasaadha bana abali kutambulira ghagati mu muliro nga ti basibe, era nga baziraku kabi kabatuuseeku naire? Ate owokuna afaanana ng'oti malaika!”

Abalamuzi 6:20

Malaika wa Musengwa Katonda yaamukoba ati: “Toola emamba n'emigaati egitazimbulukusiibwa obite ku ibaale lino, obifukeku omuunhu ogw'omu mamba eyo.” Gideoni yaakola atyo.