1 Bakyabazinga 18:3 - Baibuli Ekibono kya Katonda 2014

³ Kale Ahabu yaayeta Obadia eyali nga n'alabirira ekisaagaati kya kyabazinga. Obadia oyo yali ng'ata inho mu Musengwa Katonda ekitiisa,

1 Bakyabazinga 18:3 ပူးပေါင်းရင်းမြစ်များ

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

Amainhama 24:10

Omugheereza yaatwala engamiya ikumi ku dha musengwa we, era yaatwala ebirabo ebirungi ebya buli nsambo okuva ye musengwa we, yaaja e Mesopotamia, mu kibuga kya Nahori.

Amainhama 24:2

Agho Aburahamu yaakoba omugheereza we asinga bukulu mu ndhu ye, era eyalabiriranga ebintu bye byonabyona, ati: “Leeta omukono gwo okakase by'oja okulayira.

Amainhama 39:9

Ndi n'obuyinza mu maka muno obwagayaga n'obubwe, era ghazira ky'atangemya okutoolaku iwe; kuba oli mukazi we. Kale nsobola ntya okukola ekibi ekyaga agho ni nsobya eri Katonda?”

Amainhama 41:40

Oidha kulabiriranga ensi yange, era abantu bange boonaboona baidha kukuwulirangaku. Nze zenka, ninze nnaakuwulangaku okuba n'obuyinza.”

Amainhama 42:18

Ku lunaku olw'okusatu Yosefu yaabakoba ati: “Nze ndi muntu atya Katonda. Kale mukole kye nja okukoba, memale mughange okuwonia obulamu bwaimwe:

1 Bakyabazinga 16:9

Aye Zimuri, owundi ku bakungu be eyaduumiranga ekitundu ku bigaali bye eby'omu lutalo, yaamulyamu olukwe. Lwali lulala, Ela yaanhwa omwenge, yaatamiirira mu maka ga Aruza eyalabiriranga ekisaagaati kya kyabazinga e Tiruza

1 Bakyabazinga 18:12

Aye naaba naakava gh'oli nti, ng'omwoyo gwa Musengwa Katonda gukutwala ye ntaidhi! Agho bwe nnaatuuka ni nkobera Ahabu, aye ate n'atasobola kukubona, aidha kundhita, ate nga nze omugheereza wo ndhisiisa ekitiisa mu Musengwa Katonda okuviira irala mu buto bwange.

1 Bakyabazinga 18:2

Kale Eliya yaaja yeeyoleka y'Ahabu. Olwo endhala yali eri kuluma inho mu Samaria.

2 Bakyabazinga 4:1

Agho namwandu ow'owundi ku b'ekikunsu ky'abalanzi, yaalirira Elisha ng'akoba ati: “Omugheereza wo, baze, yafa. Era oidhi omugheereza wo oyo nga bweyali atya Musengwa Katonda. Aye mpegaano omuntu eyali amubandha, aidhie okutwala abaana bange bombi abafuule abairu be.”

Nehemia 5:15

Abafuzi abansooka okufuga Buyudaaya, baakaluubirizanga abantu nga babasalira okuleeta emere, n'omwenge ogw'emizabbibu, n'ebitundu bya feeza amakumi ana (40). Ate n'abagheereza b'abafuzi abo, boona baakaluubirizanga abantu. Aye nze nga tikola ntyo, kuba nga ntya Katonda.

Nehemia 7:2

Agho naataagho muganda wange Hanani ni Hanania omufuzi eyakuliranga ekifo eky'okwewogomamu, naabagha obukumu okulabiriranga Yerusalemu. Hanania oyo yali mwesigwa era nga atya Katonda okusinga abantu abandi boonaboona.

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Zabbuli 112:1

Mwenamwena musaake Musengwa Katonda. Wa nkabi omuntu atya Musengwa Katonda, asangaalira okukola ng'ebiragiro bye bwebikoba.

Ensambo 14:26

Okutya Musengwa Katonda kuleetera omuntu okuba omugumu, era n'ab'omu maka ge kubakuuma.

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Matayo 25:17

N'eyafuna talanta eibiri yeena atyo, yaaja yaazaazaamu edhindi ibiri.

Ebikolwa by'Abatume 10:2

Yali muntu wa idiini era nga mwene n'ab'omu maka ge baisa mu Katonda ekitiisa. Yaghanga abantu obuyambi kamaala era nga talekera kusaba Katonda.

Ebikolwa by'Abatume 10:35

Aye mu buli ighanga, asiima kiisi amwisaamu ekitiisa era n'akola ekituufu.