1 Bakyabazinga 18:29 - Baibuli Ekibono kya Katonda 2014

²⁹ Ekiseera eky'omu kasana ghagati bwe kyabita, beeyongera okweyasa okutuuka ku kiseera ekyeigulo eky'okughaayo emisengo. Aye ghaaloba kubaagho mamiro gawulikika, waire okubaagho abairamu, oba abafaaku.

1 Bakyabazinga 18:29 ပူးပေါင်းရင်းမြစ်များ

1 Bakyabazinga 18:26

Abalanzi ba Baali baatwala ente ye baabagha, baagitegeka. Agho baayeta omusambwa baali okuva ku nkyo okutuuka mu kasana ghagati, nga bakoba bati: “Wo Baali, wulira otwiremu.” Aye ghaaloba kubaagho mamiro gawulikika, waire okubaagho airamu. Baatuumiratuumira gh'alutaari ye baazimba.

1 Bakyabazinga 18:36

Ekiseera eky'okughaayo ekigheebwayo ekyeigulo bwe kyatuuka, Eliya omulanzi yaaseeta kumpi ni alutaari, yaakoba ati: “Wo Musengwa Katonda, Katonda wa Aburahamu, owa Isaaka, era owa Yakobo, olwaleero ka bakimanhe nga niiwe Katonda mu Isiraeli, era nga nze ndi mugheereza wo, era nga bino byonabyona mbikoze nga iwe omaze kundagira.

1 Bakyabazinga 22:10

Kyabazinga wa Isiraeli ni kyabazinga Yehoshafati owa Buyudaaya, baali bavaire ebivaalo byaibwe eby'obwakyabazinga, nga batyaime, buli muntu ku kityamo kye eky'obwakyabazinga, agho gha kifo aghakubirwa engaano, okumpi n'omulyango ogwingira Samaria. Abalanzi boonaboona baali bali kulanga agho mu maiso gaibwe.

1 Bakyabazinga 22:12

N'abalanzi abandi boonaboona baalangirira batyo, nga bakoba bati: “Ja olumbe Ramothi eky'e Gileadi, oidha kukighangula. Musengwa Katonda aidha kukikugha okighangule.”

Zabbuli 115:4

Aye beene basinza ebitali Katonda ebya feeza ni zaabu, abantu beene bye bakola n'engalo dhaibwe.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Okuvaayo 29:39

Entaama eyindi oidha kugighangayo enkyo, ate eyindi ogighengayo eigulo.

Okuvaayo 29:41

Ere entaama eyindi y'oli n'okughaayo olw'eigulo, oidha kugighaayo n'ebintu bire ebisatu by'onaaba ng'ogheereire ku ere ey'enkyo: engaano, omuzigo n'omwenge ogw'emizabbibu era mu bipimo nga bire eby'ey'enkyo. Ekyo n'ekigheebwayo eri nze Musengwa Katonda ekyokebwa ekiri n'akawoowo akansangaaza.

Okuvaayo 8:14

Baabibunga byavaamu emungo kamaala, ekiwunha kyaidhula Misiri.

Isaia 16:12

Abamoabu beekooyeza bwereere okuja mu bifo ebigulumivu bye basinzizaamu, okusaba emisambwa gyaibwe. Ghazira kye baliganhulwamu naire.

Isaia 46:7

Bakibbeedera ku mabega baakitwala, baakita mu kifo kyakyo, kyaba agho nga tikisobola kwesegenhiaku waire okuvaaghooku. Bwe ghabaagho aidha okukisaba tikisobola kumwiramu, waire okumuwonia mu bizibu bye.

Danieli 9:21

Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.

Ab'e Galatia 4:8

Eira, bwe mwali nga mukaali kumanha Katonda, mwali bairu ba bintu, mu butuufu ebitali bakatonda.

1 Samueli 10:5

Olwo oidha kuja ku lusozi lwa Katonda Abafilisiti ghe baata enkambi dhaibwe edh'abalwani. Bw'onaaba oli kutuuka ku kibuga, oidha kwagaana ekikunsu ky'abalanzi nga bali kwikirira okuva mu kifo ekigulumivu eky'okusinzizaamu, nga bali kulanga era nga bakulembeirwamu ab'entongooli, ab'obugoma, ab'endere, n'ab'endingidi.

1 Samueli 18:10

Ku lunaku olwairirira, omuzimu omubi Katonda gwe yasindika, gwaidha ku Saulo yaatawukira mu ndhu ye. Daudi yali ali kumukubira endingidi nga bwe yakolanga buli lunaku. Saulo yali agemye eifumo.