1 Bakyabazinga 18:26 - Baibuli Ekibono kya Katonda 2014

²⁶ Abalanzi ba Baali baatwala ente ye baabagha, baagitegeka. Agho baayeta omusambwa baali okuva ku nkyo okutuuka mu kasana ghagati, nga bakoba bati: “Wo Baali, wulira otwiremu.” Aye ghaaloba kubaagho mamiro gawulikika, waire okubaagho airamu. Baatuumiratuumira gh'alutaari ye baazimba.

1 Bakyabazinga 18:26 ပူးပေါင်းရင်းမြစ်များ

1 Bakyabazinga 18:24

Olwo imwe mwidha kweta omusambwa gwaimwe, ate nze ndhete Musengwa Katonda. Kale oyo anaasindika omuliro mu kuvugira, nga ni Katonda.” Abantu boonaboona bairamu bati: “Ky'okobye kirungi.”

1 Bakyabazinga 18:25

Agho Eliya yaakoba abalanzi ba Baali ati: “Mwerondereku ente ndala era niimwe mube musooke okubaaga, kuba muli kamaala, memale mwete omusambwa gwaimwe. Aye mutagikunaaniaku muliro.”

1 Bakyabazinga 18:27

Mu kasana ghagati Eliya yaabakiina, ng'akoba ati: “Mwete inho, kuba oyo katonda mwene. Bw'ataba nga ghaligho ky'ali kulowooza einho, asobola okuba ng'ajiire kwetereezaaku, oba ng'aliku gh'ajiire mu lugendo. Oba katyo asobola okuba ng'atendwike, nga kyetaagisa okumuzuusa.”

Okuvaayo 8:14

Baabibunga byavaamu emungo kamaala, ekiwunha kyaidhula Misiri.

Isaia 37:38

Olundi bwe yali mu isabo ng'ali kusinza omusambwa gwe Nisiroki, batabane be Adurammeleki ni Sharezeri baamwita n'empiima, baamala baalumukira mu nsi y'e Ararati. Agho mutabane we owundi Esarahaddoni yaamusikira ku bwakyabazinga.

Isaia 44:17

Ekitundu kire ekindi eky'omuti akikolamu ekisinzibwa, yaakikubira amakiryaivu, yaakisinza ng'akoba ati: “Nkweghembye mponia, kuba niiwe katonda wange!”

Isaia 45:20

Musengwa Katonda akoba ati: “Mwidhe mwesolokeze ghalala, museete imwe abaawonagho mu maghanga. Abantu abo abaja nga bagemereire ebisinzibwa ebitali Katonda ebyakolebwa mu biti obuti, era ni basaba katonda atasobola kubalokola, baziramu magezi naire.

Isaia 46:7

Bakibbeedera ku mabega baakitwala, baakita mu kifo kyakyo, kyaba agho nga tikisobola kwesegenhiaku waire okuvaaghooku. Bwe ghabaagho aidha okukisaba tikisobola kumwiramu, waire okumuwonia mu bizibu bye.

Yeremia 10:5

Ebifaananie byaibwe ebyo biri ng'oti ni bire bye bata mu nimiro okutiisa enhonhi. Tibisobola kwogera. Era tibisobola kutambula, babibbeeda bubbeede. Mutabityanga naire, kuba ghazira kabi ke bisobola kubakola, waire okuba n'akalungi ke bisobola okubakolera.”

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Yona 1:5

Olw'okutya okunene, abavuzi b'eryato baalira, buli muntu yaayeta omusambwa gwe. Baatoola ebintu ebyali mu lyato baabisuula mu nhandha olw'okuwewula ku lyato. Aye Yona yali aserengeite mu kisenge ekya ghansi eky'omu lyato, era ng'atendwike endoolo enhingi einho.

Habakkuku 2:18

Muganhulo ki oguli mu musambwa omuntu gw'abaadha oba n'agukola mu kyuma ekisaanuuse? Omusambwa ogwo gwegeresa buguya bwereere. Omuntu afuna ki mu kwesiga ekintu ky'akoze mwene n'akyeta katonda, ekintu ekitaghanga na kwogera?

Habakkuku 2:19

Mukagwireku imwe abakoba ekiti muti: “Zuuka,” oba eibaale eritaghanga na kwogera muti: “Situka.” Ghaligho okwolekebwa kw'oghanga okufuna okuva y'ekintu ng'oti n'ekyo? Ni bwe baba nga baakirimbyaku kyonakyona feeza ni zaabu, era kisigala nga kiziramu bulamu naire.

Zefania 1:9

Ku lunaku olwo, nja kubonereza abo boonaboona abasinza mu nsinza ey'abamaghanga agandi, era ni baidhuza endhu ya musengwa waibwe omunhago gwe bafuna mu kwiba ni mu kutemula.”

Matayo 6:7

“Aye mu kusaba mutabalankananga ng'abatatya Katonda bwe bakola, kuba badhuuba bati mu bibono byaibwe kamaala mwe bawulirirwa.

1 Ab'e Korintho 12:2

Mwidhi nga bwe mwali nga mukaali kufuuka ba Kurisito, mwabuzibwabuzibwanga, mwajanga okusinza ebintu ebisinzibwa ebitali Katonda ebitoogera.

1 Ab'e Korintho 8:4

Kale ku bigema ku by'okulya ebigheebwayo eri ebisinzibwa ebitali Katonda, twidhi nga mu butuufu ebisinzibwa ebitali Katonda biziramu makulu, era nga Katonda ali mulala ati, ezira wundi.

1 Samueli 5:3

Abantu ab'omu Ashidodi bwe baasitukagho ku nkyo ku lunaku olwairirira, baaja okubona ng'ekiwumbe eky'omusambwa Dagoni kigwire n'obweni bwakyo bwatuuka ku itaka, emberi w'Esanduuku ey'Endagaano ya Musengwa Katonda. Agho baakibbeeda baakiiza mu kifo kyakyo.