1 Bakyabazinga 18:24 - Baibuli Ekibono kya Katonda 2014

²⁴ Olwo imwe mwidha kweta omusambwa gwaimwe, ate nze ndhete Musengwa Katonda. Kale oyo anaasindika omuliro mu kuvugira, nga ni Katonda.” Abantu boonaboona bairamu bati: “Ky'okobye kirungi.”

1 Bakyabazinga 18:24 ပူးပေါင်းရင်းမြစ်များ

Amainhama 4:26

Sethi yeena yaazaala omwana mulenzi, yaamutuuma eriina Enoshi. Mu biseera ebyo abantu mwe baasookera okusabanga Musengwa Katonda mu liina lye.

2 Samueli 14:19

Kyabazinga yaamubuuza ati: “Yoabu ti n'eyakughaire amagezi ago goonagoona?” Omukazi yaamwiramu ati: “Bwenebwene nkulayirira iwe Isebantu kyabazinga, nti mu ekyo ky'okobye muziramu kubuusabuusa naire. Omugheereza wo Yoabu n'eyankobye ebyo byonabyona, era yangalagira nze omwiru wo omukazi bwembe mbikukobe.

1 Bakyabazinga 18:23

Kale batughe ente enume ibiri. Abalanzi ba Baali balondeku enaaba eyaibwe, bagisalesalemu bagite ku nku, aye batagikunaaniaku muliro. Zeena ndidha kutegeka ente ere eyindi, ngite ku nku nga tigikunaaniizaaku muliro.

1 Bakyabazinga 18:25

Agho Eliya yaakoba abalanzi ba Baali ati: “Mwerondereku ente ndala era niimwe mube musooke okubaaga, kuba muli kamaala, memale mwete omusambwa gwaimwe. Aye mutagikunaaniaku muliro.”

1 Bakyabazinga 18:38

Agho Musengwa Katonda yaasindika omuliro gwaika, gwayokya ekigheebwayo ekyo n'enku n'amabaale n'eitaka, era gwakaza amaadhi agaali mu lukokonko.

1 Bakyabazinga 18:39

Abantu boonaboona bwe baabona ekyo, baakuba amakiryaivu era baakutama n'ebyeni bya tuuka ku itaka. Baakoba bati: “Musengwa Katonda ni Katonda! Musengwa Katonda ni Katonda!”

1 Bakyabazinga 2:38

Shimei yaakoba kyabazinga ati: “Isebantu kyabazinga, ky'okobye kirungi. Era nga bw'okobye, zeena omugheereza wo bwe ndidha okukola.” Kale Shimei yaaba mu Yerusalemu ekiseera kinene.

1 Ebyomubyanda 21:26

Era yaazimbira agho Musengwa Katonda alutaari yaaghaayo ebigheebwayo ebyokebwa n'ebigheebwayo olw'okutabagana. Yaasaba Musengwa Katonda, era Musengwa Katonda oyo yaamwiramu ng'asindika omuliro ku alutaari nga guva mu igulu.

2 Ebyomubyanda 7:1

Solomoni bwe yamala okusaba kwe, omuliro gwaghanuka okuva mu igulu, gwayokya ebigheebwayo ebyokebwa n'emisengo gwabisaanaigho. N'okumesunkana okw'ekitiisa kya Musengwa Katonda kwabuna eisinzizo eryo.

2 Ebyomubyanda 7:3

Abaisiraeli boonaboona bwe baabona omuliro n'okumesunkana okw'ekitiisa kya Musengwa Katonda nga biri kwika ku isinzizo, baakuba amakiryaivu ku mabaale amataanhe era baakutama n'ebyeni byatuuka ku itaka. Era baasinza Katonda nga bamwebaza, nga bakoba bati: “Musengwa Katonda mulungi okugonza kwe tikukoma, kubaagho byanda na byanda.”

Isaia 39:8

Agho Hezekia yaakoba Isaia ati: “Musengwa Katonda by'ayogeire birungi.” Hezekia oyo yakoba atyo, kuba yalowooza mule ati: “Kasita mu bulamu bwange twidha kubanga mu miraala nga ghazira kitweraliikiriza?”

Yeremia 27:18

Bwe baba nga bwenebwene balanzi, era nga bali n'obukwenda obuva ye ndi, kale bansabe nze Musengwa Katonda Afuga Amagye, ndobe kuganha bintu ebyasigala mu isinzizo ni mu kisaagaati kya kyabazinga kutwalibwa Babilonia.”

Abalevi 9:24

Amangu ago Musengwa Katonda yaasindika omuliro, gwayokya ekigheebwayo ekyokebwa era n'amasavu ku alutaari. Abantu bwe baagubona, boonaboona baawowoigana, baakutama n'ebyeni byatuuka ku itaka.

Abalamuzi 6:21

Agho malaika wa Musengwa Katonda yaagalula omwigo gwe yali nagwo mu ngalo, yaagukontesa ghansi ghaagwo ku mamba ni ku migaati egitazimbulukusiibwa. Omuliro gwava mu ibaale, gwayokya emamba n'emigaati. Agho malaika wa Musengwa Katonda yaabulagho.