1 Bakyabazinga 18:18 - Baibuli Ekibono kya Katonda 2014

¹⁸ Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

1 Bakyabazinga 18:18 ပူးပေါင်းရင်းမြစ်များ

1 Bakyabazinga 16:31

Eky'okukola ebibi nga Yeroboamu mutabane wa Nebati bwe yakola tikyamumala ng'oti se kitono, aye yaataaku n'okubayiza Yezebeli, mughala wa kyabazinga Ethibaali ow'Abasidoni. Ahabu oyo era yaatuuka n'okuja okugheereza omusambwa Baali era n'okugusinza.

1 Bakyabazinga 16:32

Yaazimbira omusambwa ogwo eisabo mu Samaria, era munda mu isabo eryo yaaguzimbiramu alutaari.

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

1 Bakyabazinga 21:26

Ahabu oyo yakolanga ebyenhinhalwa einho ng'asinza ebitali Katonda, ng'oti n'Abamori Musengwa Katonda be yabinga mu nsi eyo, ng'Abaisiraeli bali kumpi okutuukayo.

1 Bakyabazinga 9:9

Olwo abantu baliirangamu bati, ‘Lwa kuba baava ku Musengwa Katonda waibwe, eyatoola badhaadha baibwe mu nsi Misiri, ate baira ku kugheereza n'okusinza bakatonda abandi. Musengwa Katonda kyaviire n'abatuusa ku kabi akaaga agho.’ ”

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 28:19

Ebyo byaligho, kuba kyabazinga Ahazi oyo yakola eidhoogo mu Buyudaaya era yaaloba kuba mwesigwa eri Musengwa Katonda, yaaleetera Musengwa Katonda okusindika ebizibu ku Buyudaaya.

Ensambo 11:19

Ole eyeekalangulira ku butuufu aghangaala, aye ole ajiira ku kukola ebibi yeita mwene.

Ensambo 13:21

Ebizibu bija nga binoonereza aboonooni, aye abatuufu baligheebwa ebirungi.

Ensambo 28:4

Abo abatajiira ku mateeka basaaka ababi, aye abagajiiraku babalwanisa.

Ensambo 5:22

Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 23:13

Era mboine ekibi abalanzi b'omu Samaria kye baakola: Baalanganga mu liina lya Baali baakiidhamya abantu bange Abaisiraeli.

Yeremia 38:4

Agho abakungu baaja ye kyabazinga, baamukoba bati: “Omusaadha ono bamwite bwite, kuba ensambo y'ali kwogeramu emala mu baisirukale amaani abali mu kibuga kino, era n'abantu abandi abakaasigaire mu kibuga kino. Tali kukolerera bulungi bwa bantu bano, aye ali kubaitaitana bwitaitane.”

Ezekieli 3:8

Bona eno, mperaano weena nkufiire obe n'empwitu era okalanguke omwoyo ng'oti ni beene.

Matayo 14:4

kuba Yoanne yamukoba ati: “Ti kituufu iwe okumubayiza.”

Ebikolwa by'Abatume 24:13

Waire ni mperaano, tibaghanga kukugha bukakafu bw'ebyo bye bampaghabira.

Ebikolwa by'Abatume 24:20

Bwe kitaba kityo, abo beene abali ghano bakobe omusango gwe bambonaku bwe bampozesa mu lwekobaano lwaibwe.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

1 Samueli 14:29

Yonathani yairamu ati: “Lata wange aleeteire abantu kudaagadaaga budaagedaage. Bona nze bwe ndhizeemu amaani olw'okulyaku obw'akatono ku mudheenene guno.